ന്യൂഡൽഹി: ഗുജറാത്തിലെ വൽസദിൽ ക്രിക്കറ്റ് ആരാധകനായ ഒരു ഓട്ടോ ഡ്രൈവറുണ്ട്. സൺ റൈസേഴ്സ് ഹൈദരാബാദ് താരമായ യൂസഫ് പഠാൻെറ വലിയ ആരാധകനാണ് ജാവേദ് ഷാ എന്ന ഈ ഓട്ടോക്കാരൻ. ഓരോ ഐപിഎൽ സീസണിലും യൂസഫ് പഠാന് വേണ്ടി യാത്രക്കാർക്കായി അദ്ദേഹം ഓരോ ഓഫറുകൾ പ്രഖ്യാപിക്കാറുണ്ട്. കഴിഞ്ഞ തവണ പഠാൻ മികച്ച പ്രകടനം കാഴ്ച വെക്കുമ്പോഴൊക്കെ യാത്രക്കാർക്ക് ജാവേദിൻെറ ഓട്ടോയിൽ കുറഞ്ഞ നിരക്കിൽ യാത്ര പോവാമായിരുന്നു. ഇത് നേരത്തെ തന്നെ ഓട്ടോക്ക് മുന്നിൽ എഴുതി വെക്കാറാണ് ജാവേദിൻെറ പതിവ്. ഇത്തവണ മറ്റൊരു വമ്പൻ ഓഫറാണ് ജാവേദ് യാത്രക്കാർക്കായി വെച്ചിരിക്കുന്നത്.
യൂസഫ് പഠാൻ ഫിഫ്ടി അടിക്കുന്ന മത്സരത്തിൽ ജാവേദിൻെറ വാഹനത്തിൽ യാത്രക്കാർക്ക് സൌജന്യമായി യാത്ര ചെയ്യാം."ഇത്തവണ യൂസഫ് ഭായിക്ക് വേണ്ടി ഒരു പ്രഖ്യാപനം ഞാൻ നടത്തുന്നു. അദ്ദേഹം അർധശതകം തികയ്ക്കുന്ന ഓരോ മത്സരത്തിലും യാത്രക്കാർക്ക് എൻെറ വക യാത്ര സൌജന്യമായിരിക്കും," ജാവേദ് സ്പോർട്സ് സ്റ്റാറിനോട് പറഞ്ഞു.
യൂസഫ് പഠാൻ ഫിഫ്ടി അടിക്കുന്ന മത്സരത്തിൽ ജാവേദിൻെറ വാഹനത്തിൽ യാത്രക്കാർക്ക് സൌജന്യമായി യാത്ര ചെയ്യാം."ഇത്തവണ യൂസഫ് ഭായിക്ക് വേണ്ടി ഒരു പ്രഖ്യാപനം ഞാൻ നടത്തുന്നു. അദ്ദേഹം അർധശതകം തികയ്ക്കുന്ന ഓരോ മത്സരത്തിലും യാത്രക്കാർക്ക് എൻെറ വക യാത്ര സൌജന്യമായിരിക്കും," ജാവേദ് സ്പോർട്സ് സ്റ്റാറിനോട് പറഞ്ഞു.