ഐപിഎല്ലിൽ ക്യാപ്റ്റൻ ധോണി ഒന്നാമതും കോഹ‍്‍ലി എട്ടാമതും ആവുന്നത്

ബാംഗ്ലൂർ: നയിക്കുന്നത് ലോകത്തിലെ ഏറ്റവും മികച്ച ബാറ്റ്സ്മാൻ ആയ വിരാട് കോഹ‍്‍ലി. ഒപ്പം പരിമിത ഓവർ ക്രിക്കറ്റിലെ വെടിക്കെട്ട് ബാറ്റ്സ്മാൻ ഡീവില്ലിയേഴ്സ്. ബോളിങ് നിരയിൽ ചാഹലും ഉമേഷ് യാദവും. എന്നിട്ടും റോയൽ ചലഞ്ചേഴ്സ് ബാംഗ്ലൂർ തുടരെത്തുടരെ തോൽക്കുകയും എട്ടാം സ്ഥാനത്ത് നിൽക്കുകയും ചെയ്യുന്നത് എന്ത് കൊണ്ടാണ്?!

നേരെ അപ്പുറത്ത് 35 വയസ്സിന് മുകളിൽ പ്രായമുള്ള ഏറ്റവും കൂടുതൽ താരങ്ങളുമായി ഒരു 'വയസ്സൻ പട'. രണ്ട് വർഷം ഐപിഎല്ലിൽ നിന്ന് വിലക്ക് ലഭിച്ചതിന് ശേഷമുള്ള തിരിച്ചുവരവ്. വമ്പൻ ടി20 സ്പെഷ്യലിസ്റ്റുകളൊന്നും തന്ന ടീമിലില്ല. എന്നിട്ടും എംഎസ് ധോണിയെന്ന നായകന് കീഴിൽ ചെന്നൈ സൂപ്പർ കിങ്സ് ഒന്നാം സ്ഥാനത്ത് തുടരുന്നു.

ഐപിഎല്ലിലെ ബാംഗ്ലൂരിൻെറ നാലാം പരാജയത്തോടെ കോഹ്ലിയുടെ ക്യാപ്റ്റൻസിക്കെതിരെ ചോദ്യങ്ങൾ ഉയരുകയാണ്. ഇന്ത്യൻ ടീമിലും കളി മനസ്സിലാക്കി തീരുമാനങ്ങൾ എടുക്കുന്നതിൽ ഇപ്പോഴും ധോണിയാണ് മിടുക്കനെന്ന് പല തവണ തെളിയിച്ചതാണ്.

ഐപിഎല്ലിൽ ബാംഗ്ലൂർ നില മെച്ചപ്പെടുത്തിയില്ലെങ്കിൽ കോഹ്ലിയുടെ ക്യാപ്റ്റൻസിക്ക് നേരെ കൂടുതൽ വിമർശനങ്ങൾ ഉയരുമെന്ന് ഉറപ്പാണ്.