ഹൈദരാബാദ്: ഐപിഎൽ 12ാം സീസണിലെ ഏറ്റവും മികച്ച ഓപ്പണിങ് ജോഡി ജോണി ബെയർസ്റ്റോയും ഡേവിഡ് വാർണറുമാണ്. സൺ റൈസേഴ്സ് ഹൈദരാബാദിൻെറ ഓരോ വിജയങ്ങളിലും ഇരുവരുടെയും പ്രകടനം നിർണായകമാണ്. ഓറഞ്ച് ക്യാപിനുള്ള പട്ടികയിൽ ഒന്നാമത് വാർണറാണ്. മൂന്നാം സ്ഥാനത്ത് ബെയർസ്റ്റോയുണ്ട്. ഇരുവരും ഒരു മത്സരത്തിൽ സെഞ്ച്വറിയും നേടിയിരുന്നു. ചെന്നൈക്കെതിരെ 132 റൺസ് പിന്തുടർന്ന് ഇറങ്ങിയ ഹൈദരാബാദിനെ വിജയത്തിലെത്തിച്ചതും വാർണറും ബെയർസ്റ്റോയും ചേർന്നാണ്. 25 പന്തിൽ നിന്ന് 50 റൺസ് നേടി വാർണർ ടീമിന് ആത്മവിശ്വാസം നൽകിയപ്പോൾ ബെയർസ്റ്റോ 44 പന്തിൽ നിന്ന് 61 റൺസ് നേടി പുറത്താവാതെ നിന്നു. ഡേവിഡ് വാർണറാണ് കളിയിലെ കേമൻ.
16.5 ഓവറിൽ നാല് വിക്കറ്റ് നഷ്ടത്തിലാണ് ഹൈദരാബാദ് ചെന്നൈയുടെ സ്കോർ മറികടന്നത്.
16.5 ഓവറിൽ നാല് വിക്കറ്റ് നഷ്ടത്തിലാണ് ഹൈദരാബാദ് ചെന്നൈയുടെ സ്കോർ മറികടന്നത്.