ഡേവിഡ് വാർണറുടെ എെപിഎൽ ഭാവിയും പ്രതിസന്ധിയിൽ

ഹൈദരാബാദ്: ഓസ്ട്രേലിയൻ താരം ഡേവിഡ് വാർണറുടെ എെപിഎൽ ഭാവിയും പ്രതിസന്ധിയിൽ. ദക്ഷിണാഫ്രിക്കക്കെതിരായ ടെസ്റ്റ് മത്സരത്തിൽ പന്തിൽ കൃത്രിമം കാണിച്ച സംഭവത്തിൽ താരം ഓസീസ് ഉപനായക സ്ഥാനം രാജി വെച്ചിരുന്നു. നിലവിൽ ഇന്ത്യൻ പ്രീമിയർ ലീഗിൽ സൺ റൈസേഴ‍്‍സ് ഹൈദരാബാദ് ടീമിൻെറ ക്യാപ്റ്റനാണ് വാർണർ.

വിവാദങ്ങളെ തുടർന്ന് സ്റ്റീവ് സ്മിത്ത് രാജസ്ഥാൻ റോയൽസ് ക്യാപ്റ്റൻ സ്ഥാനം രാജി വെച്ചു. വാർണറുടെ കാര്യത്തിൽ ക്രിക്കറ്റ് ഓസ്ട്രേലിയയുടെ തീരുമാനത്തിന് കാത്ത് നിൽക്കുകയാണെന്ന് സൺ റൈസേഴ‍്‍സ് ഹൈദരാബാദ് ടീം മെൻറർ വിവിഎസ് ലക്ഷ്മൺ പറഞ്ഞു.

സ്മിത്തിനും വാർണറിനുമെതിരെ ക്രിക്കറ്റ് ഓസ്ട്രേലിയ കടുത്ത നടപടി എടുത്തേക്കുമെന്നാണ് സൂചന. ഇരുവർക്കും ആജീവനാന്ത വിലക്ക് വരെ പ്രഖ്യാപിച്ചേക്കുമെന്ന് റിപ്പോർട്ടുകളുണ്ട്. വാർണറും സ്മിത്തിൻെറ പാത പിന്തുടരാൻ തന്നെയാണ് സാധ്യതയെന്നും സൂചനയുണ്ട്.