ന്യൂഡൽഹി: ഇന്ത്യയുടെ സ്പിൻ ഇതിഹാസം അനിൽ കുംബ്ലെയുടെ പത്ത് വിക്കറ്റ് നേട്ടത്തിന് ഇന്ന് ഇരുപത് വയസ്സ്. 1999 ഫെബ്രുവരി ഏഴിനാണ് കുബ്ലെ പാകിസ്ഥാനെതിരെ മിന്നുന്ന നേട്ടം സ്വന്തമാക്കിയത്. ഇംഗ്ലണ്ടിൻെറ ജിം ലേക്കറിന് ശേഷം ടെസ്റ്റിൽ ഒരു ഇന്നിങ്സിൽ പത്ത് വിക്കറ്റ് നേടുന്ന ആദ്യ ബോളറായി കുംബ്ലെ മാറി. ഡൽഹിയിലെ ഫിറോസ് ഷാ കോട്ല സ്റ്റേഡിയത്തിൽ നടന്ന മത്സരത്തിൽ 26.3 ഓവറിൽ 74 റൺസ് വഴങ്ങിയാണ് കുംബ്ലെ പത്ത് വിക്കറ്റ് വീഴ്ത്തിയത്. ഇതിൽ ഒമ്പത് ഓവറുകൾ മെയ്ഡനായിരുന്നു. മത്സരത്തിൻെറ രണ്ടാം ഇന്നിങ്സിൽ ഇന്ത്യയുടെ 420 റൺസ് വിജയലക്ഷ്യം തേടിയിറങ്ങിയതായിരുന്നു പാകിസ്ഥാൻ.
കുംബ്ലെയുടെ പത്ത് വിക്കറ്റ് പ്രകടനത്തിൽ പാകിസ്ഥാൻ തകർന്നടിഞ്ഞു. 212 റൺസിനാണ് അന്ന് പാകിസ്ഥാൻ ഇന്ത്യയോട് പരാജയപ്പെട്ടത്.
കുംബ്ലെയുടെ പത്ത് വിക്കറ്റ് പ്രകടനത്തിൽ പാകിസ്ഥാൻ തകർന്നടിഞ്ഞു. 212 റൺസിനാണ് അന്ന് പാകിസ്ഥാൻ ഇന്ത്യയോട് പരാജയപ്പെട്ടത്.