ഓസീസിനെതിരായ പരമ്പര 5-0ന് തൂത്തുവാരാൻ ഇംഗ്ലണ്ട്

ലണ്ടൻ: ഓസ്ട്രേലിയക്കെതിരായ അഞ്ച് മത്സരങ്ങളുടെ ഏകദിനപരമ്പരയിലെ നാലാം മത്സരത്തിലും ഇംഗ്ലണ്ടിന് മിന്നുന്ന വിജയം. ആറ് വിക്കറ്റിനാണ് ഇംഗ്ലണ്ട് ഓസ്ട്രേലിയയെ തോൽപ്പിച്ചത്. ഇതോടെ പരമ്പരയിൽ തുടർച്ചയായി നാല് മത്സരങ്ങളും വിജയിച്ച ഇംഗ്ലണ്ട് പരമ്പര തൂത്തുവാരാൻ ഒരുങ്ങുകയാണ്.

വിജയലക്ഷ്യമായ 311 റൺസ് പിന്തുടർന്നാണ് ഇംഗ്ലണ്ട് വിജയം നേടിയത്. ജേസൺ റോയ് സെഞ്ച്വറി നേടുകയും ജോണി ബെയർസ്റ്റോ 79 റൺസ് നേടുകയും ചെയ്തു. ജോസ് ബട്ട‍്‍ല‍ർ 32 പന്തിൽ നിന്ന് 54 റൺസ് നേടി.

അഞ്ചാം മത്സരവും വിജയിച്ചാൽ ഇംഗ്ലണ്ടിൻെറ ക്രിക്കറ്റ് ചരിത്രത്തിൽ അത് വൻ നേട്ടമാവും. ഓസീസിനെതിരെ ഇത് വരെ അവർ മുഴുവൻ മത്സരങ്ങളും ജയിച്ച് പരമ്പര നേടിയിട്ടില്ല.