ക്രിക്കറ്റ് ലോകത്തെ ഞെട്ടിച്ച് കളിക്കളത്തിൽ അബോട്ടിൻെറ കൊലയേറ്

മെൽബൺ: ലോക ക്രിക്കറ്റിൻെറ ചരിത്രത്തിലെ ദുരന്ത ഓർമ്മയാണ് ഓസീസ് താരം ​ ഫിലിപ്പ് ഹ്യൂഗ‍്‍സ്. പേസർ സീൻ അബോട്ടിൻെറ ബൗൺസർ തലയിൽ കൊണ്ടാണ് ഫിലിപ്പ് ഹ്യൂഗ‍്‍സ് മരണത്തിന് കീഴടങ്ങിയത്. ആ സംഭവത്തിന് ശേഷം അബോട്ട് ഏറെക്കാലം വിഷാദരോഗത്തിൻെറ പിടിയിലായിരുന്നു.

താരം ക്രിക്കറ്റിലേക്ക് തിരിച്ച് വന്നപ്പോൾ വീണ്ടും ക്രിക്കറ്റ് ലോകം ഞെട്ടിയിരിക്കുകയാണ്. കളിക്കളത്തിൽ വീണ്ടും കൊലയേറുമായി രംഗത്തെത്തിയിരിക്കുകയാണ് അബോട്ട്. ന്യൂ സൗത്ത് വെയിൽസിന് വേണ്ടി കളിക്കവേയാണ് അബോട്ട് അപകടകരമായ ബൗൺസ‍ർ എറിഞ്ഞത്.

മെല്‍ബണില്‍ വിക്ടോറിയയും ന്യൂ സൗത്ത് വെയ്ല്‍സും തമ്മില്‍ നടക്കുന്ന ഷെഫീല്‍ ഷീല്‍ഡ് ട്രോഫി മത്സരത്തിനിടെയാണ് സംഭവം. പന്ത് ഹെൽമറ്റിൽ തട്ടിയ വിക്ടോറിയയുടെ യുവതാരം വില്‍ പുകോവ്‌സ്‌കിക്ക് കളിക്കളം വിടേണ്ടി വന്നു.

ശരീരത്തിൻെറ സമനില തെറ്റിയ പുകോവ്‌സ്‌കി ഏറെ നേരത്തെ ചികിത്സക്ക് ശേഷമാണ് സാധാരണ നിലയിലേക്ക് തിരിച്ച് വന്നത്. സംഭവത്തോടെ അബോട്ട് കളിക്കളത്തിൽ ഏറെ വിഷമത്തോടെയാണ് നിന്നത്. കളിക്കാരെല്ലാം ചേ‍ർന്നാണ് അബോട്ടിനെ സമാധാനിപ്പിച്ചത്.