ഏഷ്യാ കപ്പില്‍ നിന്നും ശ്രീലങ്ക പുറത്ത്

ബംഗ്ലാദേശിനോടും അഫ്ഗാനിസ്ഥാനോടും കനത്ത പരാജയം ഏറ്റുവാങ്ങിയ ശ്രീലങ്ക ഏഷ്യാകപ്പില്‍ നിന്നും പുറത്തായി. സെമി സാധ്യത നിലനിര്‍ത്താന്‍ ജയം ആവശ്യമായിരുന്ന ലങ്കയ്ക്ക് ഒരു ഘട്ടത്തില്‍ പോലും വിജയപ്രതീക്ഷ പുലര്‍ത്താന്‍ സാധിച്ചില്ല. അഞ്ച് തവണ ഏഷ്യാകപ്പ് ചാമ്പ്യന്‍മാരായ ടീമാണ് ശ്രീലങ്ക.

ഇന്നലെ നടന്ന മത്സരത്തില്‍ 91 റണ്‍സിനാണ് അഫ്ഗാനിസ്ഥാനോട് പരാജയപ്പെട്ടത്. അഫ്ഗാനിസ്ഥാന്‍ ഉയര്‍ത്തിയ 250 റണ്‍സിന്റെ വിജയലക്ഷ്യം തേടിയിറങ്ങിയ ലങ്ക 41.2 ഓവറില്‍ 158 റണ്‍സിന് എല്ലാവരും പുറത്താകുകയായിരുന്നു.