സ്റ്റംപ് രണ്ട് കഷ്ണമാക്കി അഫ്‍ഗാൻ പേസ‍ർ

ന്യൂഡൽഹി: അഫ്ഗാനിസ്ഥാൻ ക്രിക്കറ്റിൻെറ പ്രതീകമായ നിറഞ്ഞ് നിൽക്കുന്ന താരമാണ് സ്പിന്നർ റാഷിദ് ഖാൻ. എെപിഎല്ലിൽ മിന്നുന്ന പ്രകടനമാണ് സൺ റൈസേഴ്സ് ഹൈദരാബാദിനായി അദ്ദേഹം കാഴ്ച വെച്ചത്. എന്നാൽ റാഷിദ് ഖാനെ പോലുള്ള സ്പിന്നർമാർ മാത്രമല്ല തീയുണ്ടയെറിയുന്ന പേസർമാരുമുണ്ട് അഫ്ഗാനിസ്ഥാനിൽ.

ബംഗ്ലാദേശിനെതിരായ ടി20 മത്സരത്തിൽ പേസർ ഷപൂർ സദ്രാനാണ് തൻെറ വിശ്വരൂപം കാണിച്ചത്. 18ാം ഓവറിൽ ബംഗ്ലാദേശ് ബാറ്റ്സ്മാൻ റൂബൽ ഹുസൈൻെറ വിക്കറ്റെടുത്തു. സദ്രാൻ എറിഞ്ഞ പന്ത് റൂബലിന് കാണാൻ പോലുമായില്ല. മാത്രമല്ല, സ്റ്റംപ് രണ്ട് കഷ്ണവുമായി.

രണ്ട് മത്സരങ്ങളും ജയിച്ച് ബംഗ്ലാദേശിനെതിരായ ടി20 പരമ്പര വിജയിച്ചിരിക്കുകയാണ് അഫ്ഗാനിസ്ഥാൻ.