ഹാർദിക് പാണ്ഡ്യ ചികിത്സക്കായി യുകെയിലേക്ക്; ബംഗ്ലാദേശ് പരമ്പര നഷ്ടമാവും, ഇന്ത്യക്ക് കനത്ത തിരിച്ചടി

ന്യൂഡൽഹി: ഇന്ത്യയുടെ ഒന്നാം ചോയ്സ് ഓൾ റൗണ്ടർ ഹാർദിക് പാണ്ഡ്യക്ക് പരിക്ക് കാരണം നിരവധി മത്സരങ്ങൾ നഷ്ടമാവുമെന്ന് സൂചന. ലോവർ ബാക്ക് ഇൻജുറിയാണ് താരത്തിന് വെല്ലുവിളിയാവുന്നത്. ദക്ഷിണാഫ്രിക്കക്ക് എതിരായ ടെസ്റ്റ് പരമ്പരക്കുള്ള ടീമിൽ ഹാർദിക് ഇടംപിടിച്ചിരുന്നില്ല.

ടി20 ലോകകപ്പ് അടക്കം ലക്ഷ്യം വെച്ച് പരിമിത ഓവർ ക്രിക്കറ്റിൽ പാണ്ഡ്യയെ കൂടുതൽ കളിപ്പിക്കാനായിരിക്കാം ടീം മാനേജ്മെൻറിൻെറ ശ്രമമെന്നായിരുന്നു ധാരണ. എന്നാൽ പരിക്കാണ് മത്സരങ്ങളിൽ നിന്ന് മാറിനിൽക്കാൻ താരത്തെ നിർബന്ധിതനാക്കുന്നത്.

ബിസിസിഐ സോഴ്സുകളിൽ നിന്ന് ലഭിക്കുന്ന വിവരം അനുസരിച്ച് കുറഞ്ഞത് അഞ്ച് മാസത്തോളം താരത്തിന് ചികിത്സ വേണ്ടി വരുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. വൈകാതെ തന്നെ പാണ്ഡ്യ ചികിത്സക്കായി യുകെയിലേക്ക് പറക്കും. ഇന്ത്യൻ പേസ് ബോളിങിൻെറ കുന്തമുനയായ ജസ്പ്രീത് ബുംറയും പരിക്കിൻെറ പിടിയിലാണ്.

Read More: ഫേവറിറ്റ് ക്രിക്കറ്റ‍‍‍ർ ആരെന്ന് വെളിപ്പെടുത്തി രോഹിത് ശ‍ർമ; വെടിക്കെട്ട് താരം തന്നെ പ്രിയപ്പെട്ടവൻ

ബുംറയും ചികിത്സക്കായി വൈകാതെ യുകെയിലേക്ക് പോവുമെന്നാണ് റിപ്പോർട്ടുകൾ. ബുംറക്ക് പുറമെ പാണ്ഡ്യ കൂടി ടീമിൽ ഇല്ലാത്തത് ഇന്ത്യൻ ടീമിനെ സംബന്ധിച്ചിടത്തോളം കനത്ത തിരിച്ചടിയാവും. ബംഗ്ലാദേശിൻെറ ഇന്ത്യൻ പര്യടനത്തിൽ ഇരുതാരങ്ങളും ഉണ്ടാവില്ല.

ഏഷ്യാകപ്പിലായിരുന്നു പാണ്ഡ്യക്ക് പന്തെറിയുന്നതിനിടെ വീണ് പരിക്കേറ്റത്. പിന്നീട് ഇന്ത്യൻ പ്രീമിയർ ലീഗിൽ താരം തകർപ്പൻ പ്രകടനം പുറത്തെടുത്തിരുന്നു. ലോകകപ്പിലും ഇന്ത്യൻ ടീമിലെ എക്സ് ഫാക്ടറായി വിശേഷിപ്പിക്കപ്പെിരുന്ന ഒരു താരം പാണ്ഡ്യയാണ്. ടി20യിൽ മാരക പ്രഹരശേഷിയുള്ള താരം വരുന്ന ടി20 ലോകകപ്പിൽ പൂർണ ആരോഗ്യവാനായി കളിക്കുമെന്ന് തന്നെയാണ് ആരാധകരുടെ പ്രതീക്ഷ.

Read More: ടി20 ലോകകപ്പ് ടീമിൽ നിർബന്ധമായും അവർ വേണം; ഇരുവരെയും തിരികെ വിളിക്കണമെന്ന് കോലിയോട് ഗാംഗുലി