ബച്ചൻ ജനഗണമന പാടി; ഇന്ത്യ ഏറ്റുപാടി

മഴമൂലം വൈകി ആരംഭിച്ച ഇന്ത്യ-പാക്ക് ട്വന്‍റി-20 മത്സരത്തിൽ ഇന്ത്യയുടെ ദേശീയ ഗാനം പാടാൻ അമിതാഭ് ബച്ചനെത്തി. ഘനഗംഭീരമായ തന്‍റെ ശബ്ദത്തിൽ അദ്ദേഹം ജനഗണമന പാടിയപ്പോൾ ഇന്ത്യൻ താരങ്ങളും കാണികളും ഒന്നായി ഏറ്റുപാടുകയായിരുന്നു. പാക്കിസ്ഥാൻ ദേശീയഗാനത്തിന് ശേഷമായിരുന്നു ഇന്ത്യയുടെ ദേശീയഗാനം. മമത ബാനർജി, സച്ചിൻ, ഗാംഗുലി, ഇമ്രാൻ ഖാൻ, രവിശാന്ത്രി തുടങ്ങി നിരവധിപേരാണ് മത്സരത്തിന് സാക്ഷ്യം വഹിക്കുന്നത്. 18 ഓവറായി ചുരുക്കിയ മത്സരത്തിൽ ടോസ് നേടിയ ഇന്ത്യ പാക്കിസ്ഥാനെ ബാറ്റിങ്ങിനയച്ചിരിക്കുകയാണ്. മൂന്നോവറിൽ വിക്കറ്റ് നഷ്ടപ്പെടാതെ 12 റണ്ണാണിപ്പോളെടുത്തിരിക്കുന്നത്.

വീഡിയോ കാണാൻ.....https://scontent-sit4-1.xx.fbcdn.net/hvideo-xtp1/v/t42.1790-29/12880950_752748384825224_1211423267_n.mp4?efg=eyJybHIiOjEwNDQsInJsYSI6ODUwLCJ2ZW5jb2RlX3RhZyI6InNkIn0%3D&rl=1044&vabr=580&oh=3e86608adb05df304093954eb0c54d87&oe=56EDA28F