​ഇംഗ്ലണ്ട് പരിശീലകനാവാൻ ആഗ്രഹമുണ്ടെന്ന് ആൻഡ്രൂ ഫ്ളിന്‍റോഫ്

ലണ്ടൻ: ഇംഗ്ലണ്ട് ക്രിക്കറ്റ് ടീമിൻെറ പരിശീലകനാവാൻ താൽപര്യം പ്രകടിപ്പിച്ച് മുൻ താരം ആൻഡ്രൂ ഫ്ളിന്‍റോഫ്. നിലവിലുള്ള പരിശീലകൻ ട്രെവർ ബെയ്‍ലിസ് 2019ലെ ആഷസ് പരമ്പരയ്ക്ക് ശേഷം സ്ഥാനമൊഴിയുമെന്ന് നേരത്തെ പ്രഖ്യാപിച്ചിട്ടുണ്ട്. അടുത്ത പരിശീലകനാവാൻ താൻ രംഗത്തുണ്ടാവുമെന്ന് ഫ്ളിന്‍റോഫ് വ്യക്തമാക്കി.

2005ൽ ഇംഗ്ലണ്ടിന് ആഷസ് പരമ്പര നേടിക്കൊടുക്കുന്നതിൽ നി‍ർണായക പങ്ക് വഹിച്ച താരമായിരുന്നു ഓൾ റൗണ്ടറായ ഫ്ളിന്‍റോഫ്. തനിക്ക് ടീമിൻെറ പരിശീലകനാവാൻ അതിയായ ആഗ്രഹമുണ്ടെന്നും ഇംഗ്ലണ്ട് ക്രിക്കറ്റ് ബോ‍ർഡിന് കൂടി താൽപര്യമുണ്ടെങ്കിൽ സന്തോഷത്തോടെ ജോലി ഏറ്റെടുക്കുമെന്നും 40കാരനായ ഫ്ളിന്‍റോഫ് പറഞ്ഞു.