ഫീൽഡിന് പുറത്ത് അവളാണ് ക്യാപ്റ്റൻ: വിരാട് കോഹ‍്‍ലി

ഫീൽഡിന് പുറത്ത് തൻെറ ക്യാപ്റ്റൻ ഭാര്യ അനുഷ്ക ശർമ്മയാണെന്ന് ഇന്ത്യൻ നായകൻ വിരാട് കോഹ‍്‍ലി. ഒരു മാധ്യമത്തിന് നൽകിയ അഭിമുഖത്തിലാണ് അനുഷ്ക തനിക്ക് നൽകുന്ന പിന്തുണയെ കുറിച്ച് കോഹ‍്‍ലി വാചാലനായത്.

"തീർച്ചയായും... വീട്ടിലെ ക്യാപ്റ്റൻ അവളാണ്. ജീവിതത്തിലെ ശരിയായ തീരുമാനങ്ങൾ എടുക്കുന്നത് അവളാണ്. എപ്പോഴും എന്നെ പോസിറ്റീവായി നില നിർത്തുന്നത് അവളാണ്. അനുഷ്കയെ ജിവിതസഖിയായി ലഭിച്ചതിൽ ഞാൻ ഭാഗ്യവാനാണ്," കോഹ‍്‍ലി പറഞ്ഞു.

ക്രിക്കറ്റിൽ അനുഷ്കയ്ക്ക് വളരെയേറെ താൽപ്പര്യമുണ്ട്. എെപിഎല്ലായാലും ഇന്ത്യൻ ടീമിൻെറ കളികളായാലും അവൾ ശ്രദ്ധയോടെ കാണാറുണ്ടെന്നും കോഹ‍്‍ലി കൂട്ടിച്ചേർത്തു.