അർജുൻ ടെണ്ടുൽക്കറിന് അഞ്ച് വിക്കറ്റ്: മുബൈക്ക് വിജയം

മുബൈ: അണ്ടർ 19 കുച്ച് ബിഹാർ ട്രോഫി ക്രിക്കറ്റിൽ സച്ചിൻെറ മകൻ അർജുൻ ടെണ്ടുൽക്കറിൻെറ മികവിൽ മുംബൈക്ക് മിന്നുന്ന വിജയം. റെയിൽവേസിനെതിരായ മത്സരത്തിൽ അർജുൻ അഞ്ച് വിക്കറ്റാണ് നേടിയത്. സീസണിൽ ഇത് മൂന്നാം തവണയാണ് താരം മികച്ച പ്രകടനം കാഴ്ച വെക്കുന്നത്.

നേരത്തെ മധ്യപ്രദേശിനെതിരെ അഞ്ച് വിക്കറ്റും ആസ്സാമിനെതിരെ നാല് വിക്കറ്റും അണ്ടർ 19 ക്രിക്കറ്റിൽ അർജുൻ നേടിയിരുന്നു. മത്സരത്തിൽ ഇന്നിങ്സിനും 103 റൺസിനുമാണ് മുബൈ വിജയം നേടിയത്. 11 ഓവറിൽ 44 റൺസ് വഴങ്ങിയാണ് അർജുൻ അഞ്ച് വിക്കറ്റ് നേടിയത്.

രണ്ടാം ഇന്നിങ്സിൽ വെറും 136 റൺസിനാണ് റെയിൽവേസ് പുറത്തായത്.