​ആഷസ് ടെസ്റ്റ്: ഇംഗ്ലണ്ടിനെതിരെ തിരിച്ചടിച്ച് ഓസീസ്

പെർത്ത്: ആഷസ് പരമ്പരയിലെ മൂന്നാം ക്രിക്കറ്റ് ടെസ്റ്റിൻെറ രണ്ടാം ദിനം ഇംഗ്ലണ്ടിനെതിരെ ഓസീസ് തിരിച്ചടിക്കുന്നു. കളി അവസാനിപ്പിക്കുമ്പോൾ അവർ മൂന്ന് വിക്കറ്റ് നഷ്ടത്തിൽ 203 റൺസെടുത്തു. ക്യാപ്റ്റൻ സ്റ്റീവ് സ്മിത്ത് (92) അർധ സെഞ്ച്വറിയുമായി ക്രീസിലുണ്ട്. ഷോൺ മാർഷാണ് സ്മിത്തിനൊപ്പം ക്രീസിലുള്ളത്.

നേരത്തെ ഇംഗ്ലണ്ടിൻെറ ആദ്യ ഇന്നിങ്സ് 403 റൺസിന് അവസാനിച്ചിരുന്നു. ഡേവിഡ് മലാനിന് പുറമെ ജോണി ബ്രിസ്റ്റോവും ഇംഗ്ലണ്ടിന് വേണ്ടി സെഞ്ച്വറി നേടി. ആദ്യ ദിനം കളി അവസാനിക്കുമ്പോൾ അവർ നാല് വിക്കറ്റ് നഷ്ടത്തിൽ 305 റൺസെടുത്തിരുന്നു.

വാലറ്റക്കാർക്ക് പിടിച്ച് നിൽക്കാൻ സാധിക്കാഞ്ഞതിനാൽ രണ്ടാം ദിനം അവർക്ക് 102 റൺസ് മാത്രമേ കൂട്ടിച്ചേർക്കാനായുള്ളൂ.