ആശിഷ് നെഹ‍്‍റയെ ആ‍ർസിബി കോച്ചായി നിയമിച്ചു

ബെംഗലൂരു: മുൻ ഇന്ത്യൻ താരം ആശിഷ് നെഹ‍്‍റയെ റോയൽ ചലഞ്ചേഴ്സ് ബാംഗ്ലൂർ ടീമിൻെറ പരിശീലകനായി നിയമിച്ചു. ടീമിൻെറ പുതിയ ഹെഡ് കോച്ചും മെൻററുമായ ഗ്യാരി കേസ്റ്റൻെറ കീഴിലായിരിക്കും നെഹ‍്‍റ പരിശീലകനായിരിക്കുക. കഴിഞ്ഞ സീസണിൽ ടീമിൻെറ ബോളിങ് കോച്ചായിരുന്നു നെഹ‍്‍റ.


വരുന്ന സീസണിൽ ടീമിൻെറ മികച്ച പ്രകടനത്തിനായി പരിശ്രമിക്കുമെന്ന് നെഹ‍്‍റ പറഞ്ഞു. 2017ലാണ് നെഹ‍്‍റ ട്വൻറി20 ക്രിക്കറ്റിൽ നിന്ന് വിരമിച്ചത്. വിരാട് കോഹ‍്‍ലിയുടെ നേതൃത്വത്തിൽ 2018 സീസണിൽ ആർസിബി മോശം പ്രകടനമാണ് കാഴ്ച വെച്ചത്. ഇതേ തുടർന്ന് ടീം കോച്ചായ ഡാനിയൽ വെട്ടോറിയെയും കോച്ചിങ് സ്റ്റാഫിനെയും മാനേജ്മെൻറ് പുറത്താക്കിയിരുന്നു.