ഏഷ്യാ കപ്പ് സൂപ്പര് ഫോറിലേക്ക് കടക്കുകയാണ്. ഇന്ത്യ, പാകിസ്ഥാന്, ശ്രീലങ്ക, അഫ്ഗാനിസ്ഥാന് ടീമുകളാണ് സൂപ്പര് ഫോറിലെത്തിയത്. ബംഗ്ലാദേശ്, ഹോങ്കോങ് ടീമുകള് പുറത്തായി. സൂപ്പര് ഫോറില് ഇന്ത്യയും പാകിസ്ഥാനുമാണ് കരുത്തരെങ്കിലും ശ്രീലങ്കയും അഫ്ഗാനും അട്ടിമറിക്ക് കെല്പ്പുള്ളവരാണ്. അതുകൊണ്ടുതന്നെ എല്ലാ ടീമിനും സൂപ്പര് ഫോര് മത്സരങ്ങള് കടുത്തതാകും. സൂപ്പര് ഫോറിലേക്ക് കടക്കുമ്പോള് ഇന്ത്യയെ ആശങ്കയിലാക്കുന്ന ചില കാര്യങ്ങളുണ്ട്. അവ തിരുത്തിയില്ലെങ്കില് കിരീടമില്ലാതെ വമ്പന്മാര്ക്ക് മടങ്ങേണ്ടിവരും. ഓപ്പണര് കെഎല് രാഹുലിന്റെ ഫോമില്ലായ്മയാണ് ഇന്ത്യയുടെ പ്രധാന വെല്ലുവിളി. ഓപ്പണിങ് സ്ഥാനത്തുനിന്നും രാഹുലിനെ മാറ്റി ഒരു പരീക്ഷണത്തിന് ഇനി സമയമില്ല. ഹോങ്കോങ്ങിനെതിരായ താരത്തിന്റെ പ്രകടനം വലിയ വിമര്ശനത്തിന് വഴിവെച്ചിരുന്നു. സൂപ്പര് ഫോറില് മികവുകാട്ടാനാകും രാഹുലിന്റെ തയ്യാറെടുപ്പ്.
ടൂര്ണമെന്റില് ഇന്ത്യയുടെ മറ്റൊരു തലവേദന ബൗളിങ്ങാണ്. പ്രത്യേകിച്ചും ആവേശ് ഖാന് സ്ഥിരതയില്ലാത്തത് ടീമിനെ വലയ്ക്കുന്നു. മൂന്നു പേസര്മാരെ മാത്രം ഉള്പ്പെടുത്തി ടീമിനെ തെരഞ്ഞെടുത്തപ്പോള് തന്നെ വിമര്ശനം ഉയര്ന്നിരുന്നു. ഹോങ്കോങ് പോലൊരു ടീമിനെതിരെ 50 റണ്സിലധികം വഴങ്ങിയതോടെ സൂപ്പര് ഫോറില് താരത്തിന്റെ സാന്നിധ്യം തന്നെ സംശയത്തിലായിട്ടുണ്ട്. ആവേശ് ഖാന് പകരം ആര് അശ്വിനെ ഉള്പ്പെടുത്തിയാല് ഇന്ത്യയുടെ ബാറ്റിങ് നിരയ്ക്കും കരുത്ത് വര്ധിക്കും.
ഓള്റൗണ്ടര് രവീന്ദ്ര ജഡേജ പരിക്കുമൂലം പുറത്തായതാണ് ഇന്ത്യയെ ആകുലപ്പെടുത്തുന്ന മറ്റൊരു കാര്യം. പാകിസ്ഥാനെതിരെ മികച്ച ബാറ്റിങ് പ്രകടനം പുറത്തെടുത്ത ജഡേജ ഇന്ത്യയുടെ വിജയത്തില് നിര്ണായകമായിരുന്നു. ജഡേജയ്ക്ക് പകരം അക്സര് പട്ടേല് ആയിരിക്കും ടീമിനായി കളിക്കിറങ്ങുക. അടുത്തകാലത്ത് അക്സര് ചില മികച്ച പ്രകടനങ്ങള് കാഴ്ചവെച്ചിരുന്നു. ഫോം നിലനിര്ത്തിയാല് ജഡേജയുടെ അഭാവം നികത്താന് അക്സറിന് സാധിക്കും.
സൂപ്പര് ഫോറില് ഓരോ ടീമിനും മൂന്നു മത്സരങ്ങള് വീതമാണുണ്ടാവുക. ശനിയാഴ്ച ശ്രീലങ്ക അഫ്ഗാന് മത്സരം നടക്കും. ഞായറാഴ്ച ഇന്ത്യ പാകിസ്ഥാനുമായും ഏറ്റുമുട്ടും. ഗ്രൂപ്പ് ഘട്ടത്തിലെ രണ്ട് മത്സരങ്ങളും ജയിച്ചാണ് അഫ്ഗാനും ഇന്ത്യയും എത്തുന്നത്. എന്നാല്, പാകിസ്ഥാനും ശ്രീലങ്കയും ഒപ്പത്തിനൊപ്പം നില്ക്കുന്ന ടീമുകളാണ്. അതുകൊണ്ടുതന്നെ പിഴവുകളില്ലാതെ കളിക്കുന്ന ടീം കിരീടവുമായി മടങ്ങും.
ടൂര്ണമെന്റില് ഇന്ത്യയുടെ മറ്റൊരു തലവേദന ബൗളിങ്ങാണ്. പ്രത്യേകിച്ചും ആവേശ് ഖാന് സ്ഥിരതയില്ലാത്തത് ടീമിനെ വലയ്ക്കുന്നു. മൂന്നു പേസര്മാരെ മാത്രം ഉള്പ്പെടുത്തി ടീമിനെ തെരഞ്ഞെടുത്തപ്പോള് തന്നെ വിമര്ശനം ഉയര്ന്നിരുന്നു. ഹോങ്കോങ് പോലൊരു ടീമിനെതിരെ 50 റണ്സിലധികം വഴങ്ങിയതോടെ സൂപ്പര് ഫോറില് താരത്തിന്റെ സാന്നിധ്യം തന്നെ സംശയത്തിലായിട്ടുണ്ട്. ആവേശ് ഖാന് പകരം ആര് അശ്വിനെ ഉള്പ്പെടുത്തിയാല് ഇന്ത്യയുടെ ബാറ്റിങ് നിരയ്ക്കും കരുത്ത് വര്ധിക്കും.
ഓള്റൗണ്ടര് രവീന്ദ്ര ജഡേജ പരിക്കുമൂലം പുറത്തായതാണ് ഇന്ത്യയെ ആകുലപ്പെടുത്തുന്ന മറ്റൊരു കാര്യം. പാകിസ്ഥാനെതിരെ മികച്ച ബാറ്റിങ് പ്രകടനം പുറത്തെടുത്ത ജഡേജ ഇന്ത്യയുടെ വിജയത്തില് നിര്ണായകമായിരുന്നു. ജഡേജയ്ക്ക് പകരം അക്സര് പട്ടേല് ആയിരിക്കും ടീമിനായി കളിക്കിറങ്ങുക. അടുത്തകാലത്ത് അക്സര് ചില മികച്ച പ്രകടനങ്ങള് കാഴ്ചവെച്ചിരുന്നു. ഫോം നിലനിര്ത്തിയാല് ജഡേജയുടെ അഭാവം നികത്താന് അക്സറിന് സാധിക്കും.
സൂപ്പര് ഫോറില് ഓരോ ടീമിനും മൂന്നു മത്സരങ്ങള് വീതമാണുണ്ടാവുക. ശനിയാഴ്ച ശ്രീലങ്ക അഫ്ഗാന് മത്സരം നടക്കും. ഞായറാഴ്ച ഇന്ത്യ പാകിസ്ഥാനുമായും ഏറ്റുമുട്ടും. ഗ്രൂപ്പ് ഘട്ടത്തിലെ രണ്ട് മത്സരങ്ങളും ജയിച്ചാണ് അഫ്ഗാനും ഇന്ത്യയും എത്തുന്നത്. എന്നാല്, പാകിസ്ഥാനും ശ്രീലങ്കയും ഒപ്പത്തിനൊപ്പം നില്ക്കുന്ന ടീമുകളാണ്. അതുകൊണ്ടുതന്നെ പിഴവുകളില്ലാതെ കളിക്കുന്ന ടീം കിരീടവുമായി മടങ്ങും.