ഏഷ്യാകപ്പിന് തൊട്ടുമുമ്പ് ശ്രീലങ്കക്ക് വീണ്ടും തിരിച്ചടി

കൊളംബോ: ഏഷ്യാകപ്പ് തുടങ്ങാൻ ഒരു ദിവസം മാത്രം ബാക്കിനിൽക്കെ ശ്രീലങ്കക്ക് തിരിച്ചടി. ഓപ്പണിങ് ബാറ്റ്സ്മാൻ ധനുഷ്ക ഗുണതിലകയ്ക്ക് പരിക്കേറ്റതാണ് ലങ്കക്ക് തിരിച്ചടിയായത്. കനത്ത പുറംവേദനയാണ് ഗുണതിലകയെ അലട്ടുന്നത്.

ഏഷ്യാകപ്പിനായി ദുബായിൽ എത്തിയിരുന്ന താരം പരിക്ക് കാരണം നാട്ടിലേക്ക് തിരിച്ചു. ശനിയാഴ്ചയയാണ് ദുബായിൽ ഏഷ്യാകപ്പ് തുടങ്ങുന്നത്. ഗുണതിലകയ്ക്ക് പകരം ഷെഹൻ ജയസൂര്യയെ ലങ്കൻ ടീമിൽ ഉൾപ്പെടുത്തി.

നേരത്തെ പരിക്ക് കാരണം ലങ്കയുടെ ടെസ്റ്റ് ക്യാപ്റ്റൻ ദിനേശ് ചണ്ഡിമലിനെ 16 അംഗ ടീമിൽ നിന്ന് ഒഴിവാക്കിയിരുന്നു. ഏഷ്യാകപ്പിൽ ഏയ്ഞ്ചലോ മാത്യൂസിൻെറ നേതൃത്വത്തിലാണ് ശ്രീലങ്ക ഇറങ്ങുന്നത്.