തുടർച്ചയായി അഞ്ച് വിക്കറ്റ്: ബിയറിന് വേണ്ടിയെന്ന് ഓസീസ് താരം

മെൽബൺ: തുടർച്ചയായി അഞ്ച് പന്തിൽ അഞ്ച് വിക്കറ്റ് നേടി ക്രിക്കറ്റ് ലോകത്തെ ഞെട്ടിച്ചിരിക്കുകയാണ് ഓസീസ് ക്രിക്കറ്റർ നിക്ക് ഗൂഡൻ. ഓസ്ട്രേലിയൻ പ്രാദേശിക ക്രിക്കറ്റിലാണ് സംഭവം. ഓസ്‌ട്രേലിയന്‍ മൂന്നാം നിര ലീഗിൽ യെല്ലോണ്‍ നോര്‍ത്തിന് വേണ്ടിയാണ് നിക്ക് ഗൂഡന്‍ കളിക്കുന്നത്.

ലാ ട്രോബിനെതിരായ മത്സരത്തിലാണ് അഞ്ച് ബോളില്‍ നിന്ന് അഞ്ച് വിക്കറ്റുകള്‍ നേടി താരം ട്രിപ്പിള്‍ ഹാട്രിക്ക് നേടിയത്. എന്നാൽ വിക്കറ്റെടുത്തതിന് പിന്നിലെ കാരണം എല്ലാവരെയും ചിരിപ്പിക്കുന്നതാണ്. മത്സരം പെട്ടെന്ന് തീർത്ത് സഹതാരങ്ങൾക്കൊപ്പം ബിയർ കുടിക്കുക എന്നതായിരുന്നത്രേ ഗൂഡൻെറ ലക്ഷ്യം.

"എത്രയും പെട്ടെന്ന് കളി തീർക്കുക. ടീമിലെ മറ്റ് താരങ്ങൾക്കൊപ്പം ബിയർ കുടിച്ച് ആഘോഷിക്കുക. അത് മാത്രമായിരുന്നു എൻെറ ലക്ഷ്യം." ഗൂഡൻ പറഞ്ഞു.

Aussie cricketer takes 5 wickets in 5 balls

Australian third-grade cricketer Nick Gooden creates new record by taking 5 wickets in 5 balls in a local cricket match for his team Yallourn North.