ഓസ്ട്രേലിയക്കെതിരെ ഇന്ത്യ വിയർക്കും, അതിനൊരു കാരണമുണ്ട്; മുന്നറിയിപ്പുമായി കോലിയുടെ പരിശീലകൻ!!

ന്യൂഡൽഹി: നാട്ടിൽ നടക്കുന്ന പരമ്പരയിൽ ഓസ്ട്രേലിയ ഇന്ത്യക്ക് കനത്ത വെല്ലുവിളിയാവുമെന്ന് ഇന്ത്യൻ നായകൻ വിരാട് കോലിയുടെ ബാല്യകാല പരിശീലകൻ രാജ് കുമാർ ശർമ. 2020ലെ ഇന്ത്യയുടെ ആദ്യ ഏകദിന പരമ്പര ഓസ്ട്രേലിയക്കെതിരെയാണ്. മൂന്ന് മത്സരങ്ങളാണ് പരമ്പരയിലുള്ളത്.

2018-19ൽ ഓസ്ട്രേലിയയിൽ ഇന്ത്യ പര്യടനം നടത്തിയപ്പോൾ വിരാട് കോലിക്കും കൂട്ടർക്കുമായിരുന്നു മേൽക്കെ. ഓസീസിനെതിരായ ഏകദിന പരമ്പരയും ഒപ്പം ടെസ്റ്റ് പരമ്പരയും സ്വന്തമാക്കി ഇന്ത്യ ചരിത്രം രചിച്ചു. എന്നാൽ ഓസ്ട്രേലിയ ഇപ്പോൾ ശക്തമായ ടീമാണെന്ന് രാജ് കുമാർ ശർമ പറഞ്ഞു.

Also Read: 2020ൽ ഏകദിനത്തിൽ ഇന്ത്യയുടെ ആദ്യ പോരാട്ടം ഓസീസീനെതിരെ; മത്സര ഷെഡ്യൂൾ, ടീം എന്നിവ അറിയാം

ഡേവിഡ് വാർണറും സ്റ്റീവ് സ്മിത്തും തിരിച്ചെത്തിയതോടെ ഓസ്ട്രേലിയ പഴയ പ്രതാപത്തിലേക്ക് തിരിച്ച് പോവുകയാണ്. സ്വന്തം നാട്ടിൽ മികച്ച വിജയങ്ങളുമായി ആത്മവിശ്വാസത്തോടെയാണ് അവർ ഇന്ത്യയെ നേരിടാൻ എത്തുന്നത്. ആരോൺ ഫിഞ്ചിൻെറ നേതൃത്വത്തിലുള്ള ടീമിനെ എളുപ്പത്തിൽ പരാജയപ്പെടുത്താൻ സാധിക്കുമെന്ന് കരുതരുതെന്ന് ശർമ പറഞ്ഞു.

Also Read: ഇത് ക്രൂരതയെന്ന് പറയാതെ വയ്യ, കല്യാണം ഉറപ്പിച്ചതിന് ഹാർദിക് പാണ്ഡ്യക്ക് ട്രോൾ മഴ; ട്വിറ്ററിൽ ട്രെൻഡിങ്, കാരണം ഇതാണ്!!

"ഓസ്ട്രേലിയയുമായുള്ള പരമ്പര കടുത്തതായിരിക്കും. ഏറെ തയ്യാറെടുപ്പോടെയാണ് അവരെത്തുന്നത്. അവരെ എളുപ്പത്തിൽ കീഴടക്കാൻ സാധിക്കില്ല," ശർമ എഎൻഐയോട് പറഞ്ഞു. 2020 ജനുവരി 14, 17, 20 ദിവസങ്ങളിലാണ് ഇന്ത്യയും ഓസ്ട്രേലിയയും തമ്മിലുള്ള മൂന്ന് ഏകദിന മത്സരങ്ങൾ നടക്കുക.