​ആഷസ് പരമ്പരയ്ക്ക് മഴയിൽ നനഞ്ഞ തുടക്കം

ബ്രിസ്ബേൻ: ഇംഗ്ലണ്ടും ഓസ്ട്രേലിയയും തമ്മിലുള്ള ആഷസ് പരമ്പരയ്ക്ക് മഴയിൽ നനഞ്ഞ തുടക്കം. ടോസ് നേടിയ ഇംഗ്ലണ്ട് ബാറ്റിങ് ആരംഭിച്ചുവെങ്കിലും മഴയെ തുടർന്ന് നിർത്തി വെക്കേണ്ടി വെന്നു. വൈകാതെ മഴ മാറിയതിനാൽ മത്സരം പുനരാരംഭിച്ചിട്ടുണ്ട്.

ചായക്ക് പിരിയുമ്പോൾ ഇംഗണ്ട് 2 വിക്കറ്റ് നഷ്ടത്തിൽ 128 റൺസ് എടുത്തിട്ടുണ്ട്. ഓപ്പണർ അലിസ്റ്റർ കുക്കിൻെറയും (2) മാർക്ക് സ്റ്റോൻമാനി(52)ൻെറയും വിക്കറ്റുകളാണ് നഷ്ടമായത്. അർധശതകം നേടിയ ജെയിംസ് വിൻസ് 72 റൺസുമായി ക്രീസിലുണ്ട്. സ്റ്റോൻമാന് പകരമെത്തിയ ക്യാപ്റ്റൻ ജോ റൂട്ടും പുറത്താവാതെ നിൽക്കുന്നു.