രോഹിത്തിന് പകരം മായങ്ക് എത്തും
രോഹിത് ശര്‍മയുടെ അഭാവമാകും ഇന്ത്യയില്‍ നിരയില്‍ പ്രധാനമായും നിഴലിക്കുക. ഓപ്പണിങ് സ്ഥാനത്തേക്ക് രോഹിത്തിനോട് കിടപിടിക്കുന്ന കളിക്കാരനെ ഇന്ത്യ കളിക്കിറക്കുമെന്നാണ് പ്രതീക്ഷ. ശിഖര്‍ ധവാനൊപ്പം മായങ്ക് അഗര്‍വാളിനായിരിക്കും ഓപ്പണിങ് ചുമതലയെന്നാണ് സൂചന. ഐപിഎല്ലിലെ ഫോം ഇരുവര്‍ക്കും തുടരാനാകുമെന്നും കണക്കുകൂട്ടുന്നു.
കോലിക്കാപ്പം ശ്രേയസ്സും രാഹുലും
വിരാട് കോലി തന്നെയാകും മൂന്നാം നമ്പറിലെ ബാറ്റ്‌സ്മാന്‍. നാലാം നമ്പറില്‍ ആരുകളിക്കുമെന്നത് ആരാധകര്‍ ഉറ്റുനോക്കുന്നു. ഏറെനാളായി ഈ സ്ഥാനത്ത് സ്ഥിരതയോടെ കളിക്കാവുന്ന ഒരു താരത്തെ കണ്ടെത്താന്‍ കഴിഞ്ഞിട്ടില്ല. ശ്രേയസ് അയ്യരായിരിക്കും ഓസ്‌ട്രേലിയ്‌ക്കെതിരെ നാലാം നമ്പറില്‍ ഇറങ്ങുക. വിക്കറ്റ് കീപ്പര്‍ കൂടിയായ കെഎല്‍ രാഹുല്‍ അഞ്ചാം സ്ഥാനത്ത് കളിക്കും.
രണ്ട് ഓള്‍റൗണ്ടര്‍മാര്‍
ഓള്‍റൗണ്ടര്‍മാരായി രവീന്ദ്ര ജഡേജയും ഹാര്‍ദിക് പാണ്ഡ്യയും ടീമിലുണ്ടാകും. ഇരുവരും ഐപിഎല്ലിലെ മിന്നുന്ന ഫോം ആവര്‍ത്തിച്ചാല്‍ ഓസ്‌ട്രേലിയയ്ക്ക് കാര്യങ്ങള്‍ എളുപ്പമാകില്ല. ബാറ്റിങ്ങില്‍ ഇരുവരും ഐപിഎല്ലില്‍ മികച്ച പ്രകടനം നടത്തിയിരുന്നു എന്നത് ഇന്ത്യയ്ക്ക് ആശ്വാസകരമാണ്. അതേസമയം, ഹാര്‍ദിക് പാണ്ഡ്യ പന്തെറിയുമോ എന്ന കാര്യത്തില്‍ വ്യക്തതയില്ല.
( BCCI/IPL/ANI)
Also Read: ചെഗുവേരയെ നെഞ്ചിലേറ്റിയ മറഡോണ, ഫിഡല്‍ കാസ്‌ട്രോയുടേയും ഷാവേസിന്റേയും അടുത്ത സുഹൃത്ത്
ബുംറ നയിക്കുന്ന പേസ് പട
മൂന്ന് പേസര്‍മാരും ഒരു സ്പിന്നറും എന്നതായിരിക്കും ബൗളിങ്ങിലെ ഇന്ത്യയുടെ ഫോര്‍മുല. ജസ്പ്രീത് ബുംറ, മുഹമ്മദ് ഷമി, നവദീപ് സെയ്‌നി എന്നിവര്‍ പേസര്‍മാരായും യുസ്‌വേന്ദ്ര ചാഹല്‍ സ്പിന്നറായും കളിക്കിറങ്ങും. ബുംറയിലാണ് ഇന്ത്യയുടെ പ്രതീക്ഷയെല്ലാം. സെയ്‌നിയും ഷമിയും റണ്‍സ് വഴങ്ങുന്നെന്ന പേരുദോഷം ഒഴിവാക്കില്‍ ഇന്ത്യയ്ക്ക് ഓസീസ് ബാറ്റ്‌സ്മാന്മാരെ തളയ്ക്കാന്‍ കഴിയും.