IPL 2019: ഗ്ലെൻ മാക‍്‍സ‍്‍വെൽ എെപിഎല്ലിൽ കളിക്കില്ല

മെൽബൺ: ഓസീസ് ക്രിക്കറ്റർ ഗ്ലെൻ മാക‍്‍സ‍്‍വെൽ വരുന്ന സീസൺ എെപിഎല്ലിന് എത്തില്ല. ടെസ്റ്റ് ക്രിക്കറ്റിൽ ശ്രദ്ധ കേന്ദ്രീകരിക്കുന്നതിൻെറ ഭാഗമായാണ് മാറി നിൽക്കുന്നതെന്ന് മാക‍്‍സ‍്‍വെൽ പറഞ്ഞു. ഓസ്ട്രേലിയൻ ടെസ്റ്റ് ടീമിൽ വീണ്ടും ഇടം പിടിക്കുകയെന്നതാണ് താരം ലക്ഷ്യമിടുന്നത്. വരുന്ന മുഴുവൻ സീസണിലും ഇംഗ്ലീഷ് കൗണ്ടി ക്രിക്കറ്റിൽ മാക‍്‍സ‍്‍വെൽ കളിക്കും.

കഴിഞ്ഞ സീസണിൽ ഡൽഹി ഡെയർ ഡെവിൾസിൻെറ താരമായിരുന്ന അദ്ദേഹം. വൻതുക കൊടുത്താണ് അദ്ദേഹത്തെ ടീമിൽ എത്തിച്ചിരുന്നത്. എന്നാൽ പ്രതീക്ഷക്കൊത്ത പ്രകടനം അദ്ദേഹത്തിൻെറ ഭാഗത്ത് നിന്നുണ്ടായില്ല. അതിനാൽ തന്നെ ഈ സീസണിൽ അദ്ദേഹത്തെ ടീം ഒഴിവാക്കിയിട്ടുണ്ടായിരുന്നു.