ഷെയ‍്‍ൻ വോണിന് ഡ്രൈവ് ചെയ്യുന്നതിൽ നിന്ന് ഒരു വർഷത്തേക്ക് വിലക്ക്; കുറ്റം അത്ര ചെറുതല്ല!

മെൽബൺ: ക്രിക്കറ്റ് ലോകത്ത് നിന്ന് വിരമിച്ചിട്ട് ഏറെയായെങ്കിലും വ്യക്തി ജീവിതത്തിലെ വിവാദങ്ങളുമായി മുൻ ഓസീസ് ക്രിക്കറ്റർ ഷെയ്ൻ വോൺ പലപ്പോഴും വാർത്തകളിൽ നിറഞ്ഞുനിൽക്കാറുണ്ട്. ഇപ്പോഴിതാ താരത്തിന് വരുന്ന ഒരു വർഷത്തേക്ക് വാഹനം ഓടിക്കുന്നതിൽ നിന്ന് വിലക്ക് പ്രഖ്യാപിച്ചിരിക്കുകയാണ് കോടതി. അമിത വേഗത്തിൽ വാഹനം ഓടിച്ചതിനാണ് വിലക്ക് ലഭിച്ചത്.

ഒന്നും രണ്ടും തവണയല്ല ആറ് തവണയാണ് വോൺ അമിതവേഗതയിൽ കാർ ഓടിച്ചതിന് പിടിക്കപ്പെട്ടത്. ഇതോടെയാണ് കോടതി ശക്തമായ നടപടി എടുക്കാൻ തീരുമാനിച്ചത്. വിംബിൾഡൺ മജിസ്ട്രേറ്റ് കോടതിയാണ് ശിക്ഷ വിധിച്ചിരിക്കുന്നത്. 2018 ആഗസ്ത് 23ന് അമിതവേഗതയിൽ വാഹനം ഓടിച്ചതിനാണ് ഇപ്പോഴത്തെ നിയമനടപടി.

Read More: ലെഗ് സ്റ്റംപിന് പുറത്ത് പോയിട്ടും റിവ്യൂ; പന്തും ചാഹറും കാണിച്ചത് ആനമണ്ടത്തരം, നിരാശനായി മുഖം മറച്ച് കോഹ‍്‍ലി

വാടകക്ക് എടുത്ത ജഗ്വാർ ആണ് വോൺ ഓടിച്ചിരുന്നത്. മണിക്കൂറിൽ 40 മൈൽ എന്ന വേഗതാപരിധി ലംഘിച്ച് 47 മെൽ വേഗതയിലാണ് വോൺ വാഹനം ഓടിച്ചത്. 50കാരനായ താരം ഇത് വരെ അമിത വേഗതയിൽ കാറോടിച്ചതിന് 15 പെനാൽറ്റിയാണ് സ്വന്തമാക്കിയിട്ടുള്ളത്! നിലവിൽ വെസ്റ്റ് ലണ്ടനിലാണ് വോൺ താമസിക്കുന്നത്. 3000 ഡോളർ പിഴയടക്കാനും കോടതി നിർദ്ദേശിച്ചിട്ടുണ്ട്.

Read More: ഒരൊറ്റക്കാര്യം ചെയ്താൽ പന്തിനെ ഫോമിലേക്ക് തിരികെ കൊണ്ട് വരാം; പ്രതീക്ഷ കൈവിടാതെ ലക്ഷ്മൺ