സ്റ്റംപ് മൈക്കിൽ ധോണിയെക്കുറിച്ച് ഓസീസ് നായകൻെറ കമൻറ്; ചിരിയടക്കാനാവാതെ ധവാൻ!!

ക്രിക്കറ്റിൽ നിന്ന് വിരമിച്ചുവെങ്കിലും മഹേന്ദ്ര സിങ് ധോണി ഇപ്പോഴും അന്താരാഷ്ട്ര ക്രിക്കറ്റിൽ പിൻഗാമികളില്ലാത്ത ക്രിക്കറ്റർമാരിലൊരാളാണ്. ധോണിയെപ്പോലെയാവാൻ ധോണിക്ക് മാത്രമേ സാധിക്കൂ. ഇന്ത്യൻ ക്രിക്കറ്റിൽ ധോണിക്ക് പകരക്കാരനെ ഇപ്പോഴും ഉറപ്പിക്കാനായിട്ടില്ല. അപ്പോഴാണ് ഓസ്ട്രേലിയൻ ക്രിക്കറ്റിൽ!

ഇന്ത്യയും ഓസ്ട്രേലിയയും തമ്മിലുള്ള രണ്ടാം ടി20ക്കിടെ മുൻ ഇന്ത്യൻ നായകൻ മഹേന്ദ്ര സിങ് ധോണിയെക്കുറിച്ചുള്ള ഓസീസ് വിക്കറ്റ് കീപ്പ‍ർ മാത്യു വെയ്ഡിൻെറ കമൻറ് വൈറലാവുന്നു. സ്റ്റംപ് മൈക്ക് പിടിച്ചെടുത്ത കമൻറ് എല്ലാവരും കേൾക്കുകയും ചെയ്തു. ഓസീസ് ലെഗ് സ്പിന്ന‍ർ മിച്ചൽ സ്വെപ്സണിൻെറ പന്തിൽ ഇന്ത്യൻ ഓപ്പണ‍ർ ശിഖർ ധവാൻെറ സ്റ്റംപിങ് മിസ്സാക്കിയപ്പോഴായിരുന്നു മാത്യു വെയ്ഡിൻെറ കമൻറ്.


Also Read: മാത്യു വെയ്ഡിൻെറ പുറത്താകലില്‍ കണ്ണുതള്ളി ആരാധകര്‍; കോലിയുടെ ഫീല്‍ഡിങ്ങിന് വിമര്‍ശനം

"ഞാൻ ധോണിയല്ലല്ലേ... ധോണിയുടെ അത്ര വേഗതയില്ല..." ഇതായിരുന്നു വെയ്ഡ് പറഞ്ഞത്. ഇന്ത്യക്കായി ധവാൻ മികച്ച ബാറ്റിങ് പ്രകടനമാണ് നടത്തിയത്. 36 പന്തിൽ നിന്ന് 52 റൺസ് നേടിയ ധവാൻ ഇന്ത്യയുടെ 6 വിക്കറ്റ് ജയത്തിൽ നി‍ർണായക പങ്ക് വഹിച്ചു. ആദ്യ രണ്ട് ടി20 മത്സരങ്ങളും വിജയിച്ച ഇന്ത്യ പരമ്പര സ്വന്തമാക്കി.