46 പന്തിൽ സെഞ്ച്വറി, 61 പന്തിൽ 148 റൺസ്; വനിതാ ക്രിക്കറ്റിൽ ഹീലി മാജിക്; പിറന്നത് രണ്ട് റെക്കോർഡുകൾ!

പുറത്താവാതെ 61 പന്തിൽ നിന്ന് 148 റൺസ് അടിച്ചെടുത്ത് വനിതാ ടി20 ക്രിക്കറ്റിൽ പുതിയ റെക്കോർഡ് സ്ഥാപിച്ച് ഓസ്ട്രേലിയയുടെ അലിസ ഹീലി. വനിതാ ടി20 ക്രിക്കറ്റിൽ ഒരു താരത്തിൻെറ ഏറ്റവും ഉയർന്ന വ്യക്തിഗത സ്കോറാണിത്. 46 പന്തിൽ നിന്നാണ് അവർ സെഞ്ച്വറി പൂർത്തിയാക്കിയത്. ഇതോടെ വനിതാ ടി20യിൽ ഏറ്റവും വേഗതയിൽ സെഞ്ച്വറി നേടുന്ന രണ്ടാമത്തെ താരം എന്ന റെക്കോർഡും ഹീലി സ്വന്തമാക്കി.

ശ്രീലങ്കക്ക് എതിരായ മൂന്നാം ടി20യിലാണ് ഹീലി റെക്കോർഡ് ബാറ്റിങ് പ്രകടനം പുറത്തെടുത്തത്. ഓസ്ട്രേലിയയുടെ തന്നെ മെഗ് ലാനിങിൻെറ 133 റൺസായിരുന്നു നേരത്തെ വനിതാ ടി20യിലെ ഉയർന്ന വ്യക്തിഗത സ്കോർ. ജൂലായിൽ ഇംഗ്ലണ്ടിനെതിരെയായിരുന്നു ലാനിങ് 133 റൺസ് അടിച്ചെടുത്തത്.

Read More: കാർത്തിക് ചെയ്തത് കൊടും ചതി; ടീമിന് പുറത്താക്കാൻ ശ്രമമുണ്ടെന്ന് ദ്രാവിഡ് മുന്നറിയിപ്പ് നൽകിയിരുന്നു: ശ്രീശാന്ത്

ഇത്തവണ ഹീലിയുടെ വെടിക്കെട്ട് ബാറ്റിങ് നോൺ സ്ട്രെക്കിങ് എൻഡിൽ നിന്ന് കണ്ട് പിന്തുണ നൽകാൻ ലാനിങ് ഒപ്പമുണ്ടായിരുന്നു. 19 ഫോറും എഴ് സിക്സറും അടങ്ങിയതാണ് ഹീലിയുടെ ഇന്നിങ്സ്.