IND vs SA 2019: ടീമില്‍ അപ്രതീക്ഷിത അട്ടിമറി; ആദ്യ ടെസ്റ്റിനുള്ള ഇന്ത്യന്‍ ടീമിനെ പ്രഖ്യാപിച്ചു

വിശാഖപട്ടണം: ദക്ഷിണാഫ്രിക്കയ്ക്ക് എതിരായ ടെസ്റ്റ് പരമ്പരയിലെ ആദ്യ ടെസ്റ്റ് മത്സരത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. കഴിഞ്ഞ മത്സരങ്ങളില്‍ മോശം പ്രകടനം കാഴ്ച വെച്ച റിഷഭ് പന്തിനെ ടീമില്‍ നിന്ന് ഒഴിവാക്കിയത് മാത്രമാണ് പ്രധാനപ്പെട്ട ഒരു മാറ്റമായി എടുത്തുപറയാനുള്ളത്. പന്തിന് പകരം വൃദ്ധിമാന്‍ സാഹയാകും വിക്കറ്റ് കീപ്പര്‍. അടുത്ത മൂന്ന് മത്സരങ്ങളില്‍ സാഹയാണ് വിക്കറ്റ് കീപ്പറുടെ ഗ്ലൗസ് അണിയുകയെന്ന് ക്യാപ്റ്റന്‍ വിരാട് കോഹ്ലി വ്യക്തമാക്കി.


ഏകദിന ക്രിക്കറ്റിലെ ഓപ്പണര്‍ ബാറ്റ്സ്മാന്‍ രോഹിത് ശര്‍മ്മ ടെസ്റ്റിലും ഓപ്പണറായി അരങ്ങേറ്റം കുറിക്കുന്നു എന്നതാണ് മറ്റൊരു പ്രത്യേകത. നിശ്ചിത ഓവര്‍ ക്രിക്കറ്റിലേത് പോലെ തന്നെ ടെസ്റ്റിലും മികച്ച പ്രകടനം കാഴ്ച വെക്കാന്‍ രോഹിതിന് കഴിയുമോ എന്ന് കാത്തിരുന്ന് കാണണം. എന്നാല്‍ സന്നാഹ മത്സരത്തില്‍ താരം പൂജ്യം റണ്‍സെടുത്ത് പുറത്തായത് വലിയ നാണക്കേടുണ്ടാക്കിയിരുന്നു.

Also Read: ഇന്ത്യ-ദക്ഷിണാഫ്രിക്ക ആദ്യ ടെസ്റ്റില്‍ റണ്ണൊഴുകും; എന്നാല്‍ നിരാശപ്പെടുത്തുന്ന കാര്യം മറ്റൊന്നാണ്

വെസ്റ്റ് ഇന്‍ഡീസ് പര്യടനത്തിലെ മോശം ഫോമാണ് റിഷഭ് പന്തിന് തിരിച്ചടിയായത്. അപക്വമായ ഷോട്ടുകള്‍ എടുത്ത് ഔട്ടായി പുറത്ത് പോകുന്ന രീതി താരത്തിന് വിനയായി. ഇക്കാര്യം കണക്കിലെടുത്താണ് പന്തിനെ ടീമില്‍ നിന്നും ഒഴിവാക്കിയിരിക്കുന്നത്. ഇതിന് പിന്നാലെ വ‍ൃദ്ധിമാന്‍ സാഹയെ ആദ്യ മൂന്ന് ടെസ്റ്റ് മത്സരങ്ങളില്‍ വിക്കറ്റ് കീപ്പറായി തീരുമാനിച്ചിരിക്കുന്നത്.

Also Read: 'ഡബിള്‍ സെഞ്ച്വറിക്ക് 200 റണ്‍സ് കുറവ്'; രോഹിതിനെ ട്രോളി സോഷ്യന്‍ മീഡിയ

ആദ്യ ടെസ്റ്റിനുള്ള ഇന്ത്യന്‍ ടീം: വിരാട് കോലി (ക്യാപ്റ്റന്‍), അജിന്‍ക്യ രഹാനെ (വൈസ് ക്യാപ്റ്റന്‍), രോഹിത് ശര്‍മ, മായങ്ക് അഗര്‍വാള്‍, ചേതേശ്വര്‍ പൂജാര, ഹനുമ വിഹാരി, രവീന്ദ്ര ജഡേജ, വൃദ്ധിമാന്‍ സാഹ, ആര്‍ അശ്വിന്‍, മുഹമ്മദ് ഷമി, ഇശാന്ത് ശര്‍മ.

Also Read: പ്രീ സീസണില്‍ മറ്റൊരു ഐഎസ്എല്‍ ക്ലബ്ബിനെതിരെ ബ്ലാസ്റ്റേഴ്സ് അങ്കത്തിനൊരുങ്ങുന്നു