ഉത്തേജകമരുന്ന് ഉപയോഗിച്ച യൂസഫ് പഠാന് വിലക്ക്

ന്യൂഡല്‍ഹി: ഉത്തേജകമരുന്ന് ഉപയോഗിച്ച ഇന്ത്യന്‍ ക്രിക്കറ്റര്‍ യൂസഫ് പഠാന് അഞ്ച് മാസം വിലക്ക്. ഇന്ത്യന്‍ ക്രിക്കറ്റ് ബോര്‍ഡ്, ബിസിസിഐ ആണ് ഗുജറാത്ത് താരത്തെ വിലക്കിയത്.

കഫ് സിറപ്പുകളില്‍ ഉപയോഗിക്കുന്ന ഒരു മരുന്ന് യൂസഫിന്‍റെ സാമ്പിളുകളില്‍ നിന്ന് കണ്ടെത്തി. ബിസിസിഐ നിരോധിച്ച മരുന്നുകളില്‍ ഒന്നാണിത്. പഠാന്‍ നല്‍കിയ മറുപടിയില്‍ ബിസിസിഐ തൃപ്‍തരാണെന്ന് വാര്‍ത്താ ഏജന്‍സി എഎന്‍ഐ റിപ്പോര്‍ട്ട് ചെയ്‍തു.

കഴിഞ്ഞ ഓഗസ്റ്റ് 15 മുതല്‍ അഞ്ച് മാസത്തേക്ക് ആണ് സസ്‍പെന്‍ഷന്‍. ജനുവരി 14ന് ശേഷം പഠാന് കളിക്കളത്തിലേക്ക് മടങ്ങാനാകും. ഐപിഎല്ലിലും കളിക്കുന്നതിന് തടസമുണ്ടാകില്ല.