​ന്യൂസിലൻറിൽ മോശം പ്രകടനവുമായി ബെൻ സ്റ്റോക‍്‍സ്

വെല്ലിങ്‍ടൺ: അന്താരാഷ്ട്ര ക്രിക്കറ്റിൽ വിലക്ക് നേരിടുന്ന ബെൻ സ്റ്റോക‍്‍സിന് ഫസ്റ്റ് ക്ലാസ്സ് ക്രിക്കറ്റിലു മോശം പ്രകടനം. ന്യൂസിലൻറിലെ ഫസ്റ്റ് ക്ലാസ്സ് ക്രിക്കറ്റിൽ കാൻറ‍ർബറിക്ക് വേണ്ടിയാണ് സ്റ്റോക്സ് വീണ്ടും കളിക്കളത്തിൽ ഇറങ്ങിയത്. വെറും രണ്ട് റൺസ് മാത്രമാണ് താരത്തിന് നേടാനായത്.

ബാറിൽ വഴക്കുണ്ടാക്കിയതുമായി ബന്ധപ്പെട്ട കേസിൽ പ്രതിയായതിനാൽ സ്റ്റോക്സ് അന്താരാഷ്ട്ര ക്രിക്കറ്റിൽ വിലക്ക് നേരിടുകയാണ്. ആഷസ് പരമ്പരയടക്കമുള്ള പ്രധാന ടൂ‍ർണമെൻറാണ് ഇംഗ്ലീഷ് വൈസ് ക്യാപ്റ്റന് നഷ്ടമായത്. ഏഴ് പന്തുകൾ നേരിട്ടാണ് താരം രണ്ട് റൺസെടുത്ത് പുറത്തായത്.

സെപ്തംബറിന് ശേഷം ആദ്യമായാണ് സ്റ്റോക‍്‍സ് വീണ്ടും കളിക്കളത്തിൽ ഇറങ്ങുന്നത്.