ഛണ്ഡിഗഡ്: മുൻ ഇന്ത്യൻ ക്രിക്കറ്റ് താരം വീരേന്ദർ സെവാഗിനെ തിരഞ്ഞെടുപ്പിൽ മത്സരിപ്പിക്കാൻ ബിജെപി ലക്ഷ്യമിടുന്നതായി റിപ്പോർട്ട്. ഹരിയാനയിലെ റോത്തക് ലോക്സഭാ മണ്ഡലത്തിലേക്കാണ് സെവാഗിനെ പരിഗണിക്കുന്നതെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. സെവാഗുമായി ഇക്കാര്യത്തിൽ ചർച്ചകൾ നടന്നു കഴിഞ്ഞു. കോൺഗ്രസിൻെറ സിറ്റിങ് സീറ്റാണ് റോത്തക്ക്. നിലവിലുള്ള എംപി ഭൂപേന്ദർ സിങ് ഹൂഡയെ പരാജയപ്പെടുത്താനാണ് ശക്തനായ സ്ഥാനാർഥിയെ ബിജെപി ലക്ഷ്യമിടുന്നത്. തിരഞ്ഞെടുപ്പിൽ മത്സരിപ്പിക്കാൻ സാധ്യതയുള്ളവരുടെ ലിസ്റ്റിലാണ് സെവാഗിൻെറ പേര് ഇടം പിടിച്ചിട്ടുള്ളത്.
നേരത്തെ ഡൽഹിയിൽ മുൻ താരം ഗൗതം ഗംഭീറിനെ മത്സരിപ്പിക്കുമെന്നും വാർത്തകൾ ഉണ്ടായിരുന്നു. കർണാടകയിൽ രാഹുൽ ദ്രാവിഡിനെയും അനിൽ കുംബ്ലെയെയും ബിജെപി സമീപിച്ചിരുന്നു. എന്നാൽ ഇരുവരും താൽപര്യം പ്രകടിപ്പിച്ചിരുന്നില്ല.
നേരത്തെ ഡൽഹിയിൽ മുൻ താരം ഗൗതം ഗംഭീറിനെ മത്സരിപ്പിക്കുമെന്നും വാർത്തകൾ ഉണ്ടായിരുന്നു. കർണാടകയിൽ രാഹുൽ ദ്രാവിഡിനെയും അനിൽ കുംബ്ലെയെയും ബിജെപി സമീപിച്ചിരുന്നു. എന്നാൽ ഇരുവരും താൽപര്യം പ്രകടിപ്പിച്ചിരുന്നില്ല.