പരമ്പര കൈവിട്ടു
രണ്ട് മത്സരങ്ങളില്‍ പരാജയപ്പെട്ടതോടെ ഓസ്ട്രേലിയക്കെതിരായ ടെസ്റ്റ് പരമ്പര ഇതിനോടകം ന്യൂസിലന്‍ഡ് കൈവിട്ട് കഴിഞ്ഞിരിക്കുകയാണ്. മൂന്ന് മത്സരങ്ങളുടെ പരമ്പരയില്‍ ആദ്യ രണ്ടും ഓസീസ് ജയിച്ചു. രണ്ടിലും ദയനീയ പരാജയമാണ് ന്യൂസിലന്‍റിന് വഴങ്ങേണ്ടി വന്നത്. പരാജയത്തോടെ കിവീസ് ടീമിനെതിരെ വലിയ വിമര്‍ശനങ്ങളും ഉയരുകയാണ്.
ആ താരത്തെ പുറത്താക്കണം
മൂന്നാം ടെസ്റ്റില്‍ നിന്നുള്ള ടീമില്‍ നിന്ന് സ്പിന്നര്‍ മിച്ചല്‍ സാന്‍റ്നറെ പുറത്താക്കണമെന്നാണ് മക്കല്ലം ആവശ്യപ്പെടുന്നത്. എല്ലാവരും കരിയറിന്റെ ചില ഘട്ടങ്ങളില്‍ ടീമുകളില്‍ നിന്ന് പുറത്ത് പോകാറുണ്ട്. എന്നാലത് അവര്‍ കളിക്കാന്‍ യോഗ്യരല്ലാത്തത് കൊണ്ടല്ല. മറിച്ച് ഫോം കണ്ടെത്താന്‍ വേണ്ടിയാണ് താരങ്ങളെ പുറത്തിരുന്നത്. പിന്നീട് അനിവാര്യമായ മാറ്റങ്ങള്‍ വരുത്തിയ ശേഷം ടീമിലേക്ക് തിരിച്ചുകൊണ്ടു വരാവുന്നതാണെന്നും മക്കല്ലം വ്യക്തമാക്കുന്നു.
പെര്‍ത്തില്‍ മോശം പ്രകടനം
പെര്‍ത്തില്‍ നടന്ന ആദ്യ ടെസ്റ്റില്‍ ഒരു വിക്കറ്റ് പോലും സ്വന്തമാക്കാന്‍ മിച്ചല്‍ സാന്‍റ്നര്‍ക്ക് കഴിഞ്ഞിരുന്നില്ല. ഒരു മത്സരത്തില്‍ രണ്ട് റണ്ട് റണ്‍സ് നേടിയപ്പോള്‍ അടുത്ത ഇന്നിങ്സില്‍ പൂജ്യമായിരുന്നു സ്കോര്‍. മെല്‍ബണില്‍ നടന്ന രണ്ടാം ടെസ്റ്റില്‍ ബാറ്റിംഗിലും, ബോളിംഗിലും സാന്‍റ്നര്‍ പരാജയപ്പെട്ടു. രണ്ടിന്നിംഗ്‌സുകളിലുമായി 30 റണ്‍സ് മാത്രം നേടിയ താരം ഒരു വിക്കറ്റാണ് നേടിയത്.
മക്കല്ലത്തിന്‍റെ വിമര്‍ശനം രണ്ടാം തവണ
ഓസ്ട്രേലിയയ്ക്ക് എതിരായ ടെസ്റ്റ് പരമ്പര ആരംഭിച്ചതിന് ശേഷം ഇത് രണ്ടാം തവണയാണ് ടീമിനെതിരെ ബ്രണ്ടന്‍ മക്കല്ലം രംഗത്തെത്തുന്നത്. നേരത്തേ തോല്‍വി ഏറ്റുവാങ്ങിയപ്പോള്‍ തന്നെ നായകന്‍ കെയ്ന്‍ വില്ല്യംസണിനെതിരെ മക്കല്ലം രംഗത്തെത്തിയിരുന്നു. വില്യംസണിന്‍റെ തന്ത്രങ്ങള്‍ പാളിയതാണ് തോല്‍വിക്ക് കാരണമെന്നായിരുന്നു മക്കല്ലത്തിന്‍റെ വിമര്‍ശനം.