യുവതാരം പൃഥ്വി ഷായെ പുകഴ്ത്തി ബ്രയാൻ ലാറ

ബെംഗലൂരു: ഇന്ത്യയുടെ യുവ ബാറ്റ്സ്മാൻ പൃഥ്വി ഷായെ പുകഴ്ത്തി വിൻഡീസ് ക്രിക്കറ്റ് ഇതിഹാസം ബ്രയാൻ ലാറ. പ്രതിസന്ധി ഘട്ടങ്ങളിൽ അതിനെ അതിജീവിക്കാനുള്ള മനക്കരുത്തുള്ള താരമാണ് ഷായെന്ന് ലാറ പറഞ്ഞു. നിശ്ചയദാർഢ്യവും മനശക്തിയും കരിയറിൽ ഷായ്ക്ക് ഏറെ ഗുണം ചെയ്യുമെന്നും അദ്ദേഹം കൂട്ടിച്ചേർത്തു.

"ഭയം ഇല്ലാതെ കളിക്കാനും മുന്നോട്ട് പോവാനും യുവതാരങ്ങൾക്ക് സാധിക്കണം. ഇന്ത്യൻ ക്രിക്കറ്റിൽ ഇന്ന് എല്ലാവരുടെയും കണ്ണുകൾ പൃഥ്വി ഷായിലാണ്. അദ്ദേഹം എങ്ങനെ ഓസീസ് പിച്ചിൽ കളിക്കുമെന്ന് അറിയാൻ ആഗ്രഹമുണ്ട്. മനക്കരുത്ത് കൊണ്ട് പൃഥ്വി ഷാ വെല്ലുവിളി അതിജീവിക്കും എന്നുറപ്പാണ്," ലാറ പറഞ്ഞു.

വിൻഡീസ് ബോളർമാരെ ഷാ നേരിട്ട രീതി പ്രശംസനീയമാണ്. മനശക്തി തന്നെയായിരുന്നു തൻെറ കരിയറിനെ മുന്നോട്ട് നയിച്ച പ്രധാന ഘടകമെന്നും ലാറ കൂട്ടിച്ചേർത്തു.