​പരിക്കേറ്റ ലിന്നിന് പകരം കാമറോൺ വൈറ്റ് ഓസീസ് ടീമിൽ

സിഡ്‍നി: ഇംഗ്ലണ്ടിനെതിരായ ഏകദിന പരമ്പരയിൽ ഓസീസ് നിരയിൽ ക്രിസ് ലിന്നിന് പകരം കാമറോൺ വൈറ്റ് കളിക്കും. പരിക്കേറ്റതിനാൽ ലിന്നിനെ ടീമിൽ ഉൾപ്പെടുത്തിയിട്ടില്ല. ബിഗ് ബാഷ് ലീഗിൽ മിന്നുന്ന പ്രകടനമാണ് വൈറ്റ് കാഴ്ച വെച്ചത്. പരിമിത ഓവർ ക്രിക്കറ്റിൽ താരത്തിൻെറ റെക്കോർഡും മികച്ചതാണ്.

ബിഗ് ബാഷ് ലീഗിൽ 142.5 റൺസ് ശരാശരിയിൽ 285 റൺസാണ് അദ്ദേഹം അടിച്ചെടുത്തത്. 115.85 ആണ് താരത്തിൻെറ സ്ട്രൈക്ക് റേറ്റ്. പരിമിത ഓവർ ക്രിക്കറ്റിലെ വമ്പൻ അടിക്കാരനായ ലിന്നിൻെറ കുറവ് വൈറ്റിന് നികത്താനാവുമെന്നാണ് ഓസീസ് കരുതുന്നത്. വളരെ കാലത്തെ ഇടവേളക്ക് ശേഷമാണ് വൈറ്റ് ഓസീസ് ടീമിലേക്ക് തിരിച്ചെത്തുന്നത്.