സെഞ്ചൂറിയനിൽ ഇന്ത്യയുടെ തകർച്ച തുടരുന്നു

സെഞ്ചൂറിയൻ: ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റിൽ ദക്ഷിണാഫ്രിക്ക വിജയത്തോട് അടുക്കുന്നു. 35 റൺസിന് 3 എന്ന നിലയിൽ അഞ്ചാം ദിനം ബാറ്റിങ് പുനരാരംഭിച്ച ഇന്ത്യയുടെ നില പരുങ്ങലിലാണ്. നിലവിൽ 7 വിക്കറ്റ് ഇന്ത്യക്ക് നഷ്ടമായി. 42 ഓവറിൽ 121 റൺസെടുത്തിട്ടുണ്ട്.

ചേതേശ്വർ പൂജാര, പാർഥിവ് പട്ടേൽ, ഹാർദിക് പാണ്ഡ്യ, ആർ.അശ്വിൻ എന്നിവരുടെ വിക്കറ്റുകളാണ് അഞ്ചാം ദിനം നഷ്ടമായത്. അശ്വിനെയും പാണ്ഡ്യയെയും എൻഗിഡി പുറത്താക്കിയപ്പോൾ പാർഥിവിനെ റബാദ മടക്കി അയച്ചു. 19 റൺസെടുത്ത പൂജാര റണ്ണൗട്ടാവുകയായിരുന്നു. രോഹിത് ശ‍ർമ്മയും മുഹമ്മദ് ഷമിയുമാണ് നിലവിൽ ക്രീസിലുള്ളത്.