​വിക്കറ്റ് വേട്ടയിൽ റെക്കോർഡുമായി ഇന്ത്യൻ സ്‍പിന്നർമാർ

ന്യൂഡൽഹി: ദക്ഷിണാഫ്രിക്കൻ മണ്ണിൽ തകർപ്പൻ ഫോമിലാണ് ഇന്ത്യൻ റിസ്റ്റ് സ്പിന്നർമാരായ യുസ്‍വേന്ദ്ര ചാഹലും കുൽദീപ് യാദവും. ഇന്ത്യയുടെ പരമ്പര വിജയത്തിൽ നി‍ർണായക പങ്ക് വഹിച്ചത് ഇരുവരുടെയും വിക്കറ്റ് വേട്ടയാണ്. പുതിയൊരു റെക്കോ‍ർഡ് കൂടി മറികടന്നിരിക്കുകയാണ് ഇന്ത്യൻ സ്പിന്ന‍ർമാ‍ർ.

ദക്ഷിണാഫ്രിക്കയിൽ ഏറ്റവും കൂടുതൽ വിക്കറ്റുകൾ നേടുന്ന വിദേശ സ്പിന്നർ എന്ന റെക്കോ‍ർഡാണ് ഇരുവരും മറികടന്നത്. വിൻഡീസ് ഓൾ റൗണ്ട‍ർ കീത്ത് ആത‍ർട്ടൻെറ 12 വിക്കറ്റ് നേട്ടമായിരുന്നു നിലവിലുള്ള റെക്കോ‍ർഡ്.

ചാഹലാണ് അ‍ഞ്ചാം ഏകദിനത്തിൽ 13ാം വിക്കറ്റ് വീഴ്ത്തി റെക്കോ‍ർഡ് ആദ്യം മറികടന്നത്. എന്നാൽ മത്സരത്തിൽ നാല് വിക്കറ്റ് നേട്ടവുമായി കുൽദീപ് 16 വിക്കറ്റുമായി ഏറെ മുന്നിലെത്തി. ഏഴ് ഏകദിനങ്ങളിൽ നിന്നാണ് ആ‍ത‍ർട്ടൺ 12 വിക്കറ്റ് നേടിയിരുന്നത്. എന്നാൽ ഇന്ത്യൻ സ്പിന്ന‍ർമാർ ഈ റെക്കോർഡ് മറികടന്നത് അഞ്ച് മത്സരങ്ങളിൽ നിന്നാണ്.