ചെന്നൈയിൽ ആരും കൊറോണ ഗൗരവമായി കാണുന്നില്ല, ഇവിടെ ബാധിക്കില്ലെന്നാണോ കരുതുന്നത്? വിമ‍ർശനവുമായി അശ്വിൻ!

കൊറോണ വൈറസ് വ്യാപനം കാരണം ഇന്ത്യയിലെ പ്രധാന നഗരങ്ങളിൽ അടക്കം ആളുകൾ പരമാവധി പുറത്തിറങ്ങാതെ വീടുകൾക്കുള്ളിൽ കഴിയുകയാണ്. അനാവശ്യ യാത്രകൾ ഒഴിവാക്കി സ്വയം ഐസൊലേഷനിൽ കഴിയുകയാണ് പലരും. എന്നാൽ ഇത്തരത്തിലുള്ള ഗൗരവമുള്ള ഒരു സമീപനം അല്ല ചെന്നൈ നഗരത്തിൽ ഉള്ളതെന്ന് ഇന്ത്യൻ ക്രിക്കറ്റർ ആർ അശ്വിൻ.

ചൂടു കാരണം കൊറോണയെ ഭയക്കേണ്ടതില്ലെന്നാണോ കരുതുന്നത്. ഇവിടെ ആരും ഗൗരവത്തോടെ എടുക്കുന്നതായി തോന്നുന്നില്ലെന്നും അശ്വിൻ ട്വീറ്റ് ചെയ്തു. ഒന്നും സംഭവിക്കില്ലെന്നാണ് ആളുകൾ വിശ്വസിച്ചിരിക്കുന്നതെന്ന് തോന്നുന്നു, താരം കൂട്ടിച്ചേർത്തു.

Also Read: 52 പന്തിൽ നിന്ന് സെഞ്ച്വറി നേടി ക്രിസ് ലിൻ, അടിച്ചത് 14 ഫോറും 6 സിക്സും; ടി20യിൽ ഇവനെ വെല്ലാൻ ആരുണ്ട്?!


തമിഴ്നാട്ടിൽ നിന്ന് ഇത് വരെ കാര്യമായി കൊറോണ കേസുകളൊന്നും റിപ്പോർട്ട് ചെയ്തിട്ടില്ല. രാജ്യത്ത് ഇത് വരെ 100ലധികം കേസുകളാണ് റിപ്പോർട്ട് ചെയ്തിട്ടുള്ളത്. ഇന്ത്യയിലെ പ്രധാന നഗരങ്ങളായി ബെംഗലൂരു, മുംബൈ, ഡൽഹി എന്നിവിടങ്ങളിലെല്ലാം ജനജീവിതത്തെ കൊറോണ കാര്യമായി ബാധിച്ചിട്ടുണ്ട്. തമിഴ്നാട് സർക്കാരും കൊറോണയുടെ കാര്യത്തിൽ അത്ര ഗൗരവം കാണിക്കുന്നില്ലെന്ന് വിമർശനം ഉയരുന്നുണ്ട്.

Also Read: വിരാട് കോലിക്ക് പോലും തക‍ർക്കാൻ സാധിക്കാത്ത സച്ചിൻെറ 5 റെക്കോ‍ർഡുകൾ ഇവയാണ്!!