എെപിഎൽ: കൊൽക്കത്തയുടെ ക്യാപ്റ്റനാവാൻ ക്രിസ് ലിൻ

കൊൽക്കത്ത: എെപിഎല്ലിൻെറ പുതിയ സീസണിൽ കൊൽക്കത്ത നൈറ്റ് റൈഡേഴ്‍സിൻെറ ക്യാപ്റ്റൻ സ്ഥാനത്തേക്ക് ഓസ്ട്രേലിയൻ താരം ക്രിസ് ലിന്നിനെ പരിഗണിക്കുന്നു. മുൻ സീസണുകളിലെ ക്യാപ്റ്റനായിരുന്ന ഗൗതം ഗംഭീ‍ർ ഇത്തവണ ഡൽഹി ഡെയ‍ർ ഡെവിൾസിലാണ് കളിക്കുന്നത്. അതിനാൽ തന്നെ പുതിയ ക്യാപ്റ്റനെ പ്രഖ്യാപിക്കാൻ ഒരുങ്ങുകയാണ് ടീം.

കൊൽക്കത്ത ക്യാപ്റ്റൻ സ്ഥാനത്തേക്ക് പ്രധാനമായും പരിഗണിക്കുന്ന ഒരു പേര് ലിന്നിൻെറതാണെന്ന് ടീമിൻെറ കോച്ച് ജാക്വിസ് കല്ലിസ് പി.ടി.എെയോട് പറഞ്ഞു. അവസരം ലഭിക്കുകയാണെങ്കിൽ താൻ സന്തോഷത്തോടെ ഉത്തരവാദിത്വം ഏറ്റെടുക്കുമെന്ന് ലിൻ പ്രതികരിച്ചു.

2017-18 ബിഗ് ബാഷ് ലീഗിൽ അഞ്ച് മത്സരങ്ങളേ കളിച്ചുള്ളൂവെങ്കിലും മികച്ച പ്രകടനമാണ് ഓസീസ് താരം കാഴ്ച വെച്ചിരുന്നത്. ലിന്നിൻെറ അഞ്ചാമത് എെപിഎൽ സീസണാണ് 2018ലേത്.