ധോണി വിരമിക്കലിന് ഒരുങ്ങുന്നുവോ ? കോഹ‍്‍ലിയുടെ ട്വീറ്റിൽ ആശങ്കയോടെ ആരാധക‍ർ!

ന്യൂഡൽഹി: എംഎസ് ധോണിയും വിരാട് കോഹ‍്‍ലിയും ക്രിക്കറ്റിന് പുറത്തും വളരെ അടുപ്പം പുലർത്തുന്നവരാണ്. കളിക്കളത്തിലും പരസ്പരം നിർദ്ദേശങ്ങൾ പങ്ക് വെച്ച് ഒത്തിണക്കത്തോടെ ഇന്ത്യൻ ക്രിക്കറ്റ് ടീമിനെ മുന്നോട്ട് നയിക്കുന്നതിൽ നായകൻെറയും മുൻ നായകൻെറയും പങ്ക് ചെറുതല്ല. ക്രിക്കറ്റ് ലോകത്തെ ധോണിക്കൊപ്പമുള്ള ഒരു അപൂർവ നിമിഷം ഓർത്തെടുത്ത് ചിത്രം പോസ്റ്റ് ചെയ്തിരിക്കുകയാണ് വിരാട് കോഹ‍്‍ലി.

2016 ലോകകപ്പിൽ ധോണിയുടെ നേതൃത്വത്തിൽ ഇന്ത്യൻ ടീം കളിക്കുമ്പോഴായിരുന്നു സംഭവം. ഓസ്ട്രേലിയക്കെതിരെ നടന്ന മത്സരത്തിൽ ധോണി തന്നെ ഫിറ്റ്നസ് ടെസ്റ്റിനെന്ന പോലെ ഓടിച്ചിട്ടുണ്ട് എന്ന ക്യാപ്ഷനുമായാണ് കോഹ‍്‍ലി ഒരു ചിത്രം ട്വിറ്ററിൽ പങ്ക് വെച്ചിരിക്കുന്നത്.

"ഈ മത്സരം എനിക്ക് ഒരിക്കലും മറക്കാനാവില്ല. അതൊരു സ്പെഷ്യൽ രാത്രിയായിരുന്നു. ഈ മനുഷ്യൻ ഫിറ്റ്നസ് ടെസ്റ്റിനെന്ന പോലെയാണ് അന്നെന്നെ ഓടിച്ചത്," ധോണിയെ ടാഗ് ചെയ്തുള്ള ട്വീറ്റിനൊപ്പം കോഹ‍്‍ലി കുറിക്കുന്നു.


ഇന്ത്യൻ നായകൻ സാധാരണ ഒരു ട്വീറ്റാണ് പങ്ക് വെച്ചതെങ്കിലും ധോണിയുടെ വിരമിക്കലുമായി ഇതിന് എന്തെങ്കിലും പങ്കുണ്ടോ എന്നാണ് ആരാധകർ ചികയുന്നത്.
ധോണിയുമായി ബന്ധപ്പെട്ട പഴയ ഓർമ പങ്ക് വെക്കാൻ ഇപ്പോൾ എന്തെങ്കിലും കാരണം ഉണ്ടോയെന്നതാണ് അവരുടെ ചോദ്യം.

Read More: ടെസ്റ്റിൽ ഈ താരത്തെ ഓപ്പണറാക്കൂ; ടീം ഇന്ത്യക്ക് നിർദ്ദേശവുമായി ഗിൽക്രിസ്റ്റ്

ട്വിറ്ററിൽ നിന്നുള്ള പ്രതികരണങ്ങൾ കാണാം:




ലോകകപ്പിന് ശേഷം ധോണി ക്രിക്കറ്റിൽ നിന്ന് അവധിയെടുത്തിരിക്കുകയാണ്. രണ്ട് മാസത്തോളം താരം സൈനിക സേവനത്തിലായിരുന്നു. വെസ്റ്റ് ഇൻഡീസ് പര്യടനത്തിനുള്ള ടീമിൽ അദ്ദേഹത്തെ പരിഗണിച്ചിരുന്നില്ല. ഇപ്പോൾ ദക്ഷിണാഫ്രിക്കയുടെ ഇന്ത്യൻ പര്യടനത്തിലും ധോണി ഇല്ല. വിരമിക്കലുമായി ബന്ധപ്പെട്ട് ധോണി ഇത് വരെ ഔദ്യോഗികമായി പ്രഖ്യാപനം ഒന്നും നടത്തിയിട്ടില്ല.

Read More: പരിശീലകൻ രവി ശാസ്ത്രിയുടെ ശമ്പളം എത്രയെന്ന് പുറത്ത്; ഇനിയും കൂടിയേക്കും