ന്യൂഡൽഹി: കോഫി വിത്ത് കരൺ ടിവി ഷോയിൽ നടത്തിയ വിവാദ പരാമർശങ്ങൾക്ക് മാപ്പ് പറഞ്ഞ് ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ. സ്ത്രീവിരുദ്ധമായ പരാമർശങ്ങൾ നടത്തിയതിന് പാണ്ഡ്യയോട് ബിസിസിഐ വിശദീകരണം ചോദിച്ചിരുന്നു. ഇതിനോടാണ് താരത്തിൻെറ മറുപടി. പരിപാടിയിൽ ഒപ്പമുണ്ടായിരുന്ന സഹതാരം കെ.എൽ.രാഹുലിനും ബിസിസിഐ കാരണം കാണിക്കൽ നോട്ടീസ് അയച്ചിട്ടുണ്ട്. ക്രിക്കറ്റ് താരങ്ങളെ ടിവി ഷോകളിൽ പങ്കെടുക്കുന്നതിൽ നിന്ന് വിലക്കുന്നത് അടക്കമുള്ള നടപടികളിലേക്കാണ് ബിസിസിഐ പോവുന്നതെന്നാണ് റിപ്പോർട്ട്.
തൻെറ വാക്കുകൾ ആരെയെങ്കിലും വേദനിപ്പിച്ചുവെങ്കിൽ ആത്മാർഥമായി മാപ്പ് ചോദിക്കുന്നുവെന്ന് പാണ്ഡ്യ പറഞ്ഞു. താൻ പറയുന്ന കാര്യങ്ങളിൽ എന്തെങ്കിലും മോശം കാര്യങ്ങൾ ഉണ്ടെന്ന് മനസ്സിലായിരുന്നില്ല. ആരെയെങ്കിലും മോശമായി ചിത്രീകരിക്കാൻ ശ്രമിച്ചിട്ടില്ല. പറഞ്ഞ കാര്യങ്ങളിൽ നിരുപാധികം മാപ്പ് ചോദിക്കുന്നുവെന്ന് പാണ്ഡ്യ പറഞ്ഞു.
നേരത്തെ തന്നെ ഖേദം പ്രകടിപ്പിച്ച് കൊണ്ട് പാണ്ഡ്യ ട്വീറ്റ് ചെയ്തിരുന്നു.
തൻെറ വാക്കുകൾ ആരെയെങ്കിലും വേദനിപ്പിച്ചുവെങ്കിൽ ആത്മാർഥമായി മാപ്പ് ചോദിക്കുന്നുവെന്ന് പാണ്ഡ്യ പറഞ്ഞു. താൻ പറയുന്ന കാര്യങ്ങളിൽ എന്തെങ്കിലും മോശം കാര്യങ്ങൾ ഉണ്ടെന്ന് മനസ്സിലായിരുന്നില്ല. ആരെയെങ്കിലും മോശമായി ചിത്രീകരിക്കാൻ ശ്രമിച്ചിട്ടില്ല. പറഞ്ഞ കാര്യങ്ങളിൽ നിരുപാധികം മാപ്പ് ചോദിക്കുന്നുവെന്ന് പാണ്ഡ്യ പറഞ്ഞു.
നേരത്തെ തന്നെ ഖേദം പ്രകടിപ്പിച്ച് കൊണ്ട് പാണ്ഡ്യ ട്വീറ്റ് ചെയ്തിരുന്നു.