ഒരു ക്രിക്കറ്റര് എന്ന നിലയിലും ഒരു മനുഷ്യന് എന്ന നിലയിലും താന് ഏറെ മെച്ചപ്പെട്ടതായി ഇന്ത്യന് വെടിക്കെട്ട് ബാറ്റ്സ്മാന് രോഹിത് ശര്മ. താൻ പഴയ രോഹിത് അല്ല. ചെറിയ കാലയളവിനുള്ളില് താന് ഒരുപാട് മാറ്റങ്ങള്ക്ക് വിധേയനായിട്ടുണ്ടെന്നും താരം വ്യക്തമാക്കി. വിമർശനങ്ങൾ തന്നെ ഇപ്പോൾ ബാധിക്കാറില്ല. വിമർശനങ്ങളിൽ പതറുന്ന പ്രായമല്ല ഇപ്പോള് തനിക്കെന്നും രോഹിത് പറഞ്ഞു.
Also Read: കിവീസിനെ തകര്ത്തത് ഒരു കഷണം ച്യൂയിങ് ഗം!! വെളിപ്പെടുത്തി ഓസീസ് താരം
തന്റെ ചിന്താഗതികളും കാഴ്ചപ്പാടുകളുമൊക്കെ ഇപ്പോൾ ഒരുപാട് മാറിയിട്ടുണ്ട്. അത് കരിയറിലും വ്യക്തിജീവിതത്തിലും തന്നെ ഏറെ സഹായിക്കുന്നു എന്നും രോഹിത് വ്യക്തമാക്കി. ജീവിതത്തിലെ ഏറ്റവും നല്ല ഘട്ടത്തിലൂടെയാണ് താനിപ്പോൾ കടന്നു പോകുന്നത്. തന്റെ കുടുംബം തന്നില് വലിയ മാറ്റങ്ങളുണ്ടാക്കി. ഭാര്യയും മകളും തന്റെ ജീവിതം മാറ്റി മറിച്ചുവെന്നും രോഹിത് പറഞ്ഞു.
Also Read: താരലേലത്തില് ആര്ക്കും വേണ്ടാതെപോയ 5 വെടിക്കെട്ട് ഓള്റൗണ്ടര്മാര്
തന്റെ ഭാര്യയും മകളും തന്നെ സ്നേഹം കൊണ്ട് നിറയ്ക്കുകയാണ്. അവരുടെ കൂടെയാണ് താൻ നില്ക്കുന്നത് എന്നും അല്ലാതെ ആരെങ്കിലും പറയുന്ന വിമർശനത്തെ ഓർത്ത് സങ്കടപ്പെടുകയല്ല എന്നും രോഹിത് കൂട്ടിച്ചേര്ത്തു. ആരെങ്കിലും തന്നെ നല്ലത് പറഞ്ഞാലോ മോശം പറഞ്ഞാലോ പ്രതികരിക്കാൻ നില്ക്കുന്ന പ്രായമൊക്കെ താൻ താണ്ടിയിരിക്കുന്നു. ഇപ്പോൾ അതൊന്നും തന്നെ ബാധിക്കാറില്ലെന്നും രോഹിത് ശര്മ വ്യക്തമാക്കി.