​ഇന്ത്യക്കെതിരായ ആദ്യ ടെസ്റ്റിൽ ഡെയ്ൽ സ്റ്റെയ്ൻ കളിച്ചേക്കില്ല

ന്യൂഡൽഹി: ഇന്ത്യക്കെതിരായ ആദ്യ ക്രിക്കറ്റ് ടെസ്റ്റിൽ ദക്ഷിണാഫ്രിക്കൻ ഫാസ്റ്റ് ബൗളർ ഡെയ്ൽ സ്റ്റെയ്ൻ കളിച്ചേക്കില്ല. താരത്തെ ടീമിൽ ഉൾപ്പെടുത്തുമോയെന്ന കാര്യത്തിൽ ഉറപ്പില്ലെന്ന് ദക്ഷിണാഫ്രിക്കൻ കോച്ച് ഓട്ടിസ് ഗിബ്സൺ പറഞ്ഞു.

തോളിനേറ്റ പരിക്ക് കാരണം വിശ്രമത്തിലായിരുന്നു സ്റ്റെയ്ൻ. പരിക്ക് പൂ‍ർണമായി ഭേദമായിട്ടില്ലെന്നാണ് ടീം സെലക്ഷൻ കമ്മിറ്റിയുടെ വിലയിരുത്തൽ. സിംബാവെക്കെതിരെ നടന്ന മത്സരത്തിൽ സ്റ്റെയ്ൻ തിരിച്ചെത്തുമെന്നാണ് കരുതിയിരുന്നത്. എന്നാൽ ഫിറ്റ്നസ് ടെസ്റ്റിൽ അദ്ദേഹം പരാജയപ്പെടുകയായിരുന്നു.

2016 നവംബ‍ർ മുതൽ സ്റ്റെയ്ൻ കളിക്കളത്തിൽ നിന്ന് വിട്ടു നിൽക്കുകയാണ്.