ലോകകപ്പിന് ശേഷം ഏകദിന ക്രിക്കറ്റിൽ നിന്ന് വിരമിക്കുമെന്ന് സ്റ്റെയ്ൻ

ന്യൂഡൽഹി: 2019ലെ ലോകകപ്പിന് ശേഷം ഏകദിന ക്രിക്കറ്റിൽ നിന്ന് വിരമിക്കുമെന്ന് ദക്ഷിണാഫ്രിക്കൻ പേസർ ഡെയ‍്‍ൽ സ്റ്റെയ്ൻ. ലോകകപ്പ് ടീമിൽ സ്ഥാനം പിടിക്കാനാവുമെന്നാണ് കരുതുന്നത്. തൻെറ പരിചയസമ്പത്ത് പരിഗണിക്കപ്പെടുമെന്നും സ്റ്റെയ്ൻ പറഞ്ഞു.

പരിക്കും ആരോഗ്യ പ്രശ്നങ്ങളും പലപ്പോഴും ബുദ്ധിമുട്ടിക്കുന്നുണ്ട്. 2019ന് ശേഷം മറ്റൊരു ലോകകപ്പ് വരെ കളി തുടരാനാവുമെന്ന് കരുതുന്നില്ല. അപ്പോഴേക്കും തനിക്ക് 40 വയസ്സാവുമെന്നും അദ്ദേഹം പറഞ്ഞു. എന്നാൽ ടെസ്റ്റ് ക്രിക്കറ്റിൽ തുടരുമെന്ന് സ്റ്റെയ്ൻ വ്യക്തമാക്കി.

പറ്റാവുന്നിടത്തോളം കാലം ടെസ്റ്റ് കളിക്കുമെന്ന് അദ്ദേഹം കൂട്ടിച്ചേർത്തു.