റെക്കോർഡ് ഇരട്ട സെഞ്ച്വറിയുമായി ഡി ആർസി ഷോർട്ട്

മെൽബൺ: വെടിക്കെട്ട് ഡബിൾ സെഞ്ച്വറിയുമായി റെക്കോർഡ് സ്വന്തമാക്കി ഓസ്ട്രേലിയൻ ക്രിക്കറ്റർ ഡി ആർസി ഷോർട്ട്. ലിസ്റ്റ് എ ക്രിക്കറ്റിൽ വെസ്റ്റേൺ ഓസ്ട്രേലിയക്ക് വേണ്ടി കളിക്കളത്തിൽ ഇറങ്ങിയ ഷോർട്ട് 23 സിക്സറുകളും 15 ഫോറും അടക്കം അടിച്ചെടുത്തത് 257 റൺസാണ്. 148 പന്തിൽ നിന്നായിരുന്നു റെക്കോർഡ് പ്രകടനം.

ലിസ്റ്റ് എ ക്രിക്കറ്റിലെ മൂന്നാമത്തെ ഏറ്റവും ഉയർന്ന വ്യക്തിഗത സ്കോറാണിത്. ക്വീന്‍സ് ലാന്‍ഡിനെതിരെയാണ് താരം ഡബിൾ സെഞ്ച്വറി നേടിയത്. ഇംഗ്ലണ്ട് താരം അലി ബ്രൗണിന്റെ പേരിലാണ് ലിസ്റ്റ് എ ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോർ.

268 റൺസാണ് അദ്ദേഹം നേടിയത്. 264 റൺസ് അടിച്ച ഇന്ത്യയുടെ രോഹിത് ശർമ്മയാണ് രണ്ടാമത്. ഏകദിന ക്രിക്കറ്റിൻെറ ചരിത്രത്തിൽ ഒരു ഓസ്ട്രേലിയൻ താരത്തിൻെറ ഏറ്റവും ഉയർന്ന സ്കോർ കൂടിയാണ് ഷോർട്ട് നേടിയത്.