അടിയുടെ പൂരവുമായി ഡികോക്ക്; ബാംഗ്ലൂരിനെ തോൽപ്പിച്ച് ഡൽഹി

ബെംഗളൂരു: എെപിഎല്ലിൽ ബാംഗ്ലൂർ റോയൽ ചലഞ്ചേഴ്സിനെതിരെ ഡൽഹി ഡെയർഡെവിൾസിന് സീസണിലെ രണ്ടാം ജയം. ക്വിന്റൺ ഡികോക്കിന്റെ സെഞ്ചുറി മികവിലാണ് വിജയം. മലയാളിയായ കരുൺ നായരുടെ അർധസെഞ്ചുറിയും ഡൽഹിക്ക് തുണയായി.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ റോയൽ ചലഞ്ചേഴ്സ് നിശ്ചിത 20 ഓവറിൽ അഞ്ചു വിക്കറ്റ് നഷ്ടത്തിൽ 191 റൺസെടുത്തു. ആദ്യം ബാറ്റു ചെയ്ത് ക്യാപ്റ്റൻ വിരാട് കോഹ്‌ലി (43 പന്തിൽ 75), എ.ബി. ഡിവില്ലിയേഴ്സ് (33 പന്തിൽ 55), ഷെയ്‍ൻ‌ വാട്സൺ (19 പന്തിൽ 33) എന്നിവരുടെ മികവിലാണ് ബാംഗ്ലൂർ 193 റൺസ് വിജയലക്ഷ്യം ഉയർത്തിയത്.

രണ്ടാം ജയം തേടിയിറങ്ങിയ ബാംഗ്ലൂരിന് റണ്ണെടുക്കും മുൻപേ സൂപ്പർ താരം ക്രിസ് ഗെയ്‍‌ലിന്റെ വിക്കറ്റ് നഷ്ടപ്പെട്ടു. ഡിവില്ലിയേഴ്സും കോഹ്‌ലിയും ചേർന്നതോടെ ബാംഗ്ലൂർ റൺ അടിച്ചു കൂട്ടുകയായിരുന്നു. ഡിവില്ലിയേഴ്സ് 25 പന്തിൽ അർധസെഞ്ചുറി തികച്ചപ്പോൾ 36 പന്തിൽ കോഹ്‌ലിയും അർധസെഞ്ചുറിയിലെത്തി