ടീമിന് നാണക്കേട്
സികെ നായിഡു ട്രോഫിയില്‍ ബംഗാളിനെതിരായ മത്സരത്തിനായാണ് ഡല്‍ഹി ടീം കൊല്‍ക്കത്തയിലെത്തിയത്. കൊല്‍ക്കത്തയിലെ ഹോട്ടലില് വെച്ചാണ് ടീമിന് നാണക്കേടുണ്ടാക്കിയ സംഭവം നടന്നത്. ഹോട്ടലില് നടന്ന ക്രിസ്മസ് ആഘോഷപരിപാടികള്‍ക്കായി കുല്‍ദീപ് യാദവും ലക്ഷയ് തരേജയും പോയിരുന്നു. പരിപാടികള്‍ക്കിടെ രണ്ട് സ്ത്രീകളെ ഇരുതാരങ്ങളും ചേര്‍ന്ന് പിന്തുടരുകയായിരുന്നു.
താരങ്ങള്‍ റൂമിലേക്കുമെത്തി
സ്ത്രീകളെ താരങ്ങള്‍ പിന്തുടരുകയും ശല്യം ചെയ്യാന്‍ ആരംഭിക്കുകയും ചെയ്തതോടെ ഇവര്‍ തങ്ങളുടെ റൂമിലേക്ക് മടങ്ങി. എന്നാല്‍ കുല്‍ദീപും ലക്ഷയും ഇരുവരേയും പിന്തുടര്‍ന്ന് റൂമിലെത്തുകയും റൂമിന് പുറത്ത് നിന്നി വാതിലില്‍ തട്ടി ശല്യം തുടരുകയും ചെയ്തു. ഇതില്‍ നിന്നും താരങ്ങള്‍ പിന്തിരിയാതെ വന്നതോടെ സ്ത്രീകള്‍ ഹോട്ടല്‍ അധികൃതരോട് പരാതിപ്പെടുകയായിരുന്നുവെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
നിയമനടപടിയില്ല
ഉടന്‍ തന്നെ ടീം മാനേജ്മെന്‍റ് ഇടപെടുകയും താരങ്ങളെ ഇരുവരേയും മറ്റൊരു ഹോട്ടലിലേക്ക് മാറ്റുകയും ചെയ്തു. ഇതിന് ബംഗാളിനെതിരായ മത്സരത്തിനുള്ള ടീമില്‍നിന്ന് ഇരുവരേയും ഒഴിവാക്കുകയും ചെയ്തിട്ടുണ്ട്. സ്ത്രീകള്‍ പോലീസില്‍ പരാതിപ്പെടുകയോ നിയമനടപടികള്‍ക്ക് മുതിരുകയോ ചെയ്യാത്തത് താരങ്ങള്‍ക്ക് ആശ്വാസമാകും. നിയമപരമായ നടപടിക്രമങ്ങളൊന്നും താരങ്ങള്‍ നേരിടേണ്ടി വരില്ലെന്ന് ടീം അറിയിച്ചു.