​ധോണി പറഞ്ഞത് കേട്ടില്ല, സുരേഷ് റെയ‍്‍നക്ക് പണി കിട്ടി

ന്യൂഡൽഹി: വിക്കറ്റിന് പിന്നിൽ നിന്ന് ബൗളർമാർക്ക് കൃത്യമായി ന‍ിർദ്ദേശം നൽകുന്നയാളാണ് മുൻ ഇന്ത്യൻ നായകൻ മഹേന്ദ്ര സിങ് ധോണി. പലപ്പോഴും ധോണിയുടെ നി‍ർദ്ദേശങ്ങൾ സ്റ്റംപ് മൈക്ക് വ്യക്തമായി പിടിച്ചെടുക്കാറുണ്ട്. ദക്ഷിണാഫ്രിക്കക്കെതിരായ മൂന്നാം ട്വൻറി20യിലും ധോണി വിക്കറ്റിന് പിന്നിൽ നിന്ന് ബൗളർമാർക്ക് നിർദ്ദേശം നൽകുന്നുണ്ടായിരുന്നു.

എന്നാൽ ഇത്തവണ ധോണിയുടെ നി‍ർദ്ദേശം ചെവിക്കൊള്ളാതിരുന്ന സുരേഷ് റെയ‍്‍നക്ക് പണികിട്ടി. റെയ‍്‍ന എറിഞ്ഞ 14ാം ഓവറിലെ നാലാം പന്തിൽ ദക്ഷിണാഫ്രിക്കൻ ബാറ്റ്സ്മാൻ ക്രിസ്റ്റ്യൻ ജോംഗ‍ർ ബൗണ്ടറി നേടി. ഇതോടെ അടുത്ത പന്ത് വിക്കറ്റിന് നേരെ എറിയുന്നതിന് പകരം പുറത്തേക്ക് എറിയണമെന്ന് ധോണി റെയ‍്‍നക്ക് നി‍ർദ്ദേശം നൽകി.

എന്നാൽ ധോണിയുടെ നി‍ർദ്ദേശം കേൾക്കാതെ റെയ‍്‍ന വീണ്ടും ജോംഗ‍റിൻെറ കാലിന് നേരെ എറിഞ്ഞു. ആ പന്തും ബൗണ്ടറിയിലേക്ക് പാഞ്ഞു. സ്റ്റംപ് മൈക്കിലൂടെയാണ് ധോണിയുടെ വാക്കുകൾ പുറത്ത് വന്നത്.