ധോണിയുടെ തമാശ സംഭാഷണം ചിരി പടർത്തി തരംഗമാവുന്നു

സെഞ്ചൂറിയൻ: കളിക്കാർക്ക് നിർദ്ദേശം നൽകിയും ഊർജ്ജം പകർന്നും ഇന്ത്യൻ ക്രിക്കറ്റ് ടീമിൻെറ നട്ടെല്ലാണ് മഹേന്ദ്ര സിങ് ധോണി എന്ന വിക്കറ്റ് കീപ്പർ. ക്യാപ്റ്റൻ സ്ഥാനത്ത് നിന്ന് മാറിയെങ്കിലും ഇപ്പോഴും ഫീൽഡിൽ ബൗള‍ർമാർക്ക് ഏറ്റവും കൂടുതൽ പിന്തുണ നൽകുന്ന താരമാണ് ധോണി.

ദക്ഷിണാഫ്രിക്കക്കെതിരായ രണ്ടാം ഏകദിനത്തിൽ ഇത്തരത്തിൽ മുൻ ഇന്ത്യൻ ക്യാപ്റ്റൻ വിക്കറ്റിന് പിന്നിൽ നടത്തിയ തമാശ സംഭാാഷണം സ്റ്റംപ് മൈക്ക് പിടിച്ചെടുത്തു. ഇന്ത്യൻ സ്പിന്നർ കുൽദീപ് യാദവിൻെറ പന്തിൻെറ ഗതി മനസ്സിലാക്കാതെ വിഷമിച്ച ദക്ഷിണാഫ്രിക്കൻ താരം ആൻഡിൽ ഫെലൂക്‌വായോയെ തമാശപൂപേണ ധോണി കളിയാക്കുന്നതാണ് ചിരി പട‍ർത്തുന്നത്.

"ഇവന് നിൻെറ പന്ത് മനസ്സിലാകുമ്പോഴേക്കും ഓവർ കഴിഞ്ഞ് പോവുമല്ലോ" എന്നാണ് ധോണി കുൽദീപിനോട് പറയുന്നത്. കോഹ്‍ലിയെ ചീക്കു എന്ന ഇരട്ടപ്പേര് വിളിച്ച് അഭിന്ദിക്കുന്നതും കുൽദീപിനെ 'കുലീ' എന്ന് വിളിക്കുന്നതുമെല്ലാം വ്യക്തമായി കേൾക്കാം.
Dhoni behind the stumps is hilarious. pic.twitter.com/ntJubXMgoQ — dogu (@HusnKaHathiyar) February 2, 2018