കോഹ്‍ലിയെ ട്രംപിനോട് ഉപമിച്ച് ഓസ്ട്രേലിയന്‍ മാധ്യമങ്ങള്‍

ഇന്ത്യന്‍ ക്യാപ്റ്റന്‍ വിരാട് കോഹ്‍ലി ക്രിക്കറ്റിലെ ഡോണള്‍ഡ് ട്രംപ് ആണോ? ഇന്ത്യ - ഓസ്ട്രേലിയ പരമ്പരയിലെ മൂന്നാം ടെസ്റ്റ് സമനിലയായതോടെ ഓസ്ട്രേലിയന്‍ മാധ്യമങ്ങള്‍ കോഹ്ലിയെ തെരഞ്ഞുപിടിച്ച് ആക്രമിക്കുകയാണ്.

കളിക്കളത്തിലെ കോഹ്‍ലിയുടെ പെരുമാറ്റം വിമര്‍ശിക്കുന്ന മാധ്യമങ്ങള്‍ കോഹ്‍ലിയെ അമേരിക്കന്‍ പ്രസിഡന്‍റ് ഡോണള്‍ഡ് ട്രംപിനോടാണ് ചില മാധ്യമങ്ങള്‍ ഉപമിച്ചത്. സ്വന്തം ജാള്യത മറയ്ക്കാന്‍ മാധ്യമങ്ങളെ കോഹ്‍ലി കരിവാരിത്തേക്കുകയാണെന്നാണ് ഓസ്ട്രേലിയന്‍ ദിനപത്രം ദി ഡെയ്‍ലി ടെലഗ്രാഫ് പറയുന്നത്.

റാഞ്ചി ടെസ്റ്റിന് ഇടയ്ക്ക് ഇന്ത്യന്‍ ഫിസിയോ പാട്രിക് ഫര്‍ഹാര്‍ട്ടിനെ ഓസ്ട്രേലിയന്‍ താരങ്ങള്‍ പ്രകോപിപ്പിച്ചതായി കോഹ്‍ലി പറഞ്ഞിരുന്നു. എന്നാല്‍ ഇത് ഓസ്ട്രേലിയന്‍ കളിക്കാര്‍ നിഷേധിച്ചു. ഇതാണ് നിലവില്‍ ഓസ്ട്രേലിയന്‍ മാധ്യമങ്ങള്‍ ആയുധമാക്കുന്നത്.

കോഹ്‍ലിയുടെ ഈ സീരിസിലെ മോശം പ്രകടനത്തെയും പത്രങ്ങള്‍ ഓര്‍മ്മിപ്പിക്കുന്നുണ്ട്. ലോകത്തിലെ മികച്ച ബാറ്റ്‍സ്‍മാന്മാരില്‍ ഒരാളായ കോഹ്‍ലിയുടെ പ്രകടനം ഓസ്ട്രേലിയന്‍ മധ്യനിര ബാറ്റസ്‍മാന്മാരുടെതിനേക്കാള്‍ കുറവാണെന്നും വിമര്‍ശനം ഉണ്ട്.

Donald Trump Of Cricket? Why Oz Media's Latest Attack On Virat Kohli Is A Real Shame

Australian media is calling Virat Kohli the Donald Trump of cricket after his aggressive behavior in the ongoing India - Australia test cricket series.