പാണ്ഡ്യ കപിലിൻെറ ഏഴയലത്ത് എത്തില്ലെന്ന് മുൻ ഇന്ത്യൻ താരം

മുംബൈ: ഹാർദിക് പാണ്ഡ്യ കപിൽ ദേവിൻെറ ഏഴയലത്ത് വരില്ലെന്ന് മുൻ ഇന്ത്യൻ ക്രിക്കറ്റ് താരം കഴ്‍സൺ ഗാവ‍്‍റി. കപിലിനൊപ്പം കളിച്ചിട്ടുള്ള താരമാണ് ഗാവ‍്‍റി. നിലവിലെ സാഹചര്യത്തിൽ ഒരു തരത്തിലും പാണ്ഡ്യയെ കപിലുമായി താരതമ്യം ചെയ്യാൻ ആയിട്ടില്ലെന്ന് അദ്ദേഹം പറഞ്ഞു.

"പാണ്ഡ്യക്ക് തന്നേക്കാളും മികച്ച ഓൾ റൗണ്ട‍ർ ആവാൻ പറ്റുമെന്ന് കപിൽ പറഞ്ഞതായി അറിഞ്ഞു. അത് അദ്ദേഹത്തിൻെറ നിഷ്‍കളങ്കത കൊണ്ട് പറയുന്നതാണ്. കപിലിൻെറ അടുത്തൊന്നും വരുന്ന താരമാണ് പാണ്ഡ്യയെന്ന് എനിക്കിത് വരെ തോന്നിയിട്ടില്ല." കപിലിനൊപ്പം ടെസ്റ്റിൽ ഓപ്പണിങ് സപെല്ലിൽ പന്തെറിയാറുണ്ടായിരുന്ന ഗാവ‍്‍റി തുറന്നടിച്ചു.

കപിലിനെ പോലെയാവാൻ പാണ്ഡ്യ ഇനിയുമിനിയും ഒരുപാട് മുന്നോട്ട് പോവാനുണ്ട്. ഇപ്പോഴുള്ള താരതമ്യം ശരിയല്ലെന്നും അദ്ദേഹം കൂട്ടിച്ചേർത്തു.