​ഓസീസ് പേസർ ഡഗ് ബോളിഞ്ചർ ക്രിക്കറ്റിൽ നിന്ന് വിരമിച്ചു

സിഡ്‍നി: ഓസ്ട്രേലിയൻ ഫാസ്റ്റ് ബൗള‍ർ ഡഗ് ബോളിഞ്ചർ അന്താരാഷ്ട്ര ക്രിക്കറ്റിൽ നിന്ന് വിരമിച്ചു. ഓസീസിന് വേണ്ടി 12 ടെസ്റ്റുകളും 39 ഏകദിനങ്ങളും 36കാരനായ ബോളിഞ്ചർ കളിച്ചിട്ടുണ്ട്. ടെസ്റ്റിൽ 50ഉം ഏകദിനത്തിൽ 62ഉം വിക്കറ്റുകൾ വീഴ്ത്തിയിട്ടുണ്ട്.

രണ്ട് തവണ അഞ്ച് വിക്കറ്റ് നേട്ടവും സ്വന്തമാക്കിയിട്ടുണ്ട്. ഓസ്ട്രേലിയക്ക് വേണ്ടി ട്വൻറി20യിലും കളിച്ചിട്ടുള്ള അദ്ദേഹം ന്യൂ സൗത്ത് വെയിൽസിനെ പ്രാദേശിക ക്രിക്കറ്റിലും പ്രതിനിധീകരിച്ചിട്ടുണ്ട്. 2010ലെ ആഷസ് സീരീസിന് ശേഷമാണ് താരത്തിന് ടീമിൽ നിന്ന് സ്ഥാനം നഷ്ടമായത്.